| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਪਤ੍ਤਪਿਣ੍ਡਿਕਸੁਤ੍ਤਂ
10. Pattapiṇḍikasuttaṃ
੧੯੦. ‘‘ਪਞ੍ਚਿਮੇ, ਭਿਕ੍ਖવੇ, ਪਤ੍ਤਪਿਣ੍ਡਿਕਾ। ਕਤਮੇ ਪਞ੍ਚ? ਮਨ੍ਦਤ੍ਤਾ ਮੋਮੂਹਤ੍ਤਾ ਪਤ੍ਤਪਿਣ੍ਡਿਕੋ ਹੋਤਿ, ਪਾਪਿਚ੍ਛੋ ਇਚ੍ਛਾਪਕਤੋ ਪਤ੍ਤਪਿਣ੍ਡਿਕੋ ਹੋਤਿ, ਉਮ੍ਮਾਦਾ ਚਿਤ੍ਤਕ੍ਖੇਪਾ ਪਤ੍ਤਪਿਣ੍ਡਿਕੋ ਹੋਤਿ, ‘વਣ੍ਣਿਤਂ ਬੁਦ੍ਧੇਹਿ ਬੁਦ੍ਧਸਾવਕੇਹੀ’ਤਿ ਪਤ੍ਤਪਿਣ੍ਡਿਕੋ ਹੋਤਿ, ਅਪ੍ਪਿਚ੍ਛਤਂਯੇવ ਨਿਸ੍ਸਾਯ ਸਨ੍ਤੁਟ੍ਠਿਂਯੇવ ਨਿਸ੍ਸਾਯ ਸਲ੍ਲੇਖਂਯੇવ ਨਿਸ੍ਸਾਯ ਪવਿવੇਕਂਯੇવ ਨਿਸ੍ਸਾਯ ਇਦਮਤ੍ਥਿਤਂਯੇવ ਨਿਸ੍ਸਾਯ ਪਤ੍ਤਪਿਣ੍ਡਿਕੋ ਹੋਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਪਤ੍ਤਪਿਣ੍ਡਿਕਾ। ਇਮੇਸਂ ਖੋ, ਭਿਕ੍ਖવੇ, ਪਞ੍ਚਨ੍ਨਂ ਪਤ੍ਤਪਿਣ੍ਡਿਕਾਨਂ ਯ੍વਾਯਂ ਪਤ੍ਤਪਿਣ੍ਡਿਕੋ ਅਪ੍ਪਿਚ੍ਛਤਂਯੇવ ਨਿਸ੍ਸਾਯ ਸਨ੍ਤੁਟ੍ਠਿਂਯੇવ ਨਿਸ੍ਸਾਯ ਸਲ੍ਲੇਖਂਯੇવ ਨਿਸ੍ਸਾਯ ਪવਿવੇਕਂਯੇવ ਨਿਸ੍ਸਾਯ ਇਦਮਤ੍ਥਿਤਂਯੇવ ਨਿਸ੍ਸਾਯ ਪਤ੍ਤਪਿਣ੍ਡਿਕੋ ਹੋਤਿ, ਅਯਂ ਇਮੇਸਂ ਪਞ੍ਚਨ੍ਨਂ ਪਤ੍ਤਪਿਣ੍ਡਿਕਾਨਂ ਅਗ੍ਗੋ ਚ ਸੇਟ੍ਠੋ ਚ ਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚ।
190. ‘‘Pañcime, bhikkhave, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, ‘vaṇṇitaṃ buddhehi buddhasāvakehī’ti pattapiṇḍiko hoti, appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti. Ime kho, bhikkhave, pañca pattapiṇḍikā. Imesaṃ kho, bhikkhave, pañcannaṃ pattapiṇḍikānaṃ yvāyaṃ pattapiṇḍiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti, ayaṃ imesaṃ pañcannaṃ pattapiṇḍikānaṃ aggo ca seṭṭho ca mokkho ca uttamo ca pavaro ca.
‘‘ਸੇਯ੍ਯਥਾਪਿ, ਭਿਕ੍ਖવੇ, ਗવਾ ਖੀਰਂ, ਖੀਰਮ੍ਹਾ ਦਧਿ, ਦਧਿਮ੍ਹਾ ਨવਨੀਤਂ, ਨવਨੀਤਮ੍ਹਾ ਸਪ੍ਪਿ, ਸਪ੍ਪਿਮ੍ਹਾ ਸਪ੍ਪਿਮਣ੍ਡੋ, ਸਪ੍ਪਿਮਣ੍ਡੋ ਤਤ੍ਥ ਅਗ੍ਗਮਕ੍ਖਾਯਤਿ; ਏવਮੇવਂ ਖੋ, ਭਿਕ੍ਖવੇ, ਇਮੇਸਂ ਪਞ੍ਚਨ੍ਨਂ ਪਤ੍ਤਪਿਣ੍ਡਿਕਾਨਂ ਯ੍વਾਯਂ ਪਤ੍ਤਪਿਣ੍ਡਿਕੋ ਅਪ੍ਪਿਚ੍ਛਤਂਯੇવ ਨਿਸ੍ਸਾਯ ਸਨ੍ਤੁਟ੍ਠਿਂਯੇવ ਨਿਸ੍ਸਾਯ ਸਲ੍ਲੇਖਂਯੇવ ਨਿਸ੍ਸਾਯ ਪવਿવੇਕਂਯੇવ ਨਿਸ੍ਸਾਯ ਇਦਮਤ੍ਥਿਤਂਯੇવ ਨਿਸ੍ਸਾਯ ਪਤ੍ਤਪਿਣ੍ਡਿਕੋ ਹੋਤਿ, ਅਯਂ ਇਮੇਸਂ ਪਞ੍ਚਨ੍ਨਂ ਪਤ੍ਤਪਿਣ੍ਡਿਕਾਨਂ ਅਗ੍ਗੋ ਚ ਸੇਟ੍ਠੋ ਚ ਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚਾ’’ਤਿ। ਦਸਮਂ।
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo tattha aggamakkhāyati; evamevaṃ kho, bhikkhave, imesaṃ pañcannaṃ pattapiṇḍikānaṃ yvāyaṃ pattapiṇḍiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya pattapiṇḍiko hoti, ayaṃ imesaṃ pañcannaṃ pattapiṇḍikānaṃ aggo ca seṭṭho ca mokkho ca uttamo ca pavaro cā’’ti. Dasamaṃ.
ਅਰਞ੍ਞવਗ੍ਗੋ ਚਤੁਤ੍ਥੋ।
Araññavaggo catuttho.
ਤਸ੍ਸੁਦ੍ਦਾਨਂ –
Tassuddānaṃ –
ਅਰਞ੍ਞਂ ਚੀવਰਂ ਰੁਕ੍ਖ, ਸੁਸਾਨਂ ਅਬ੍ਭੋਕਾਸਿਕਂ।
Araññaṃ cīvaraṃ rukkha, susānaṃ abbhokāsikaṃ;
ਨੇਸਜ੍ਜਂ ਸਨ੍ਥਤਂ ਏਕਾਸਨਿਕਂ, ਖਲੁਪਚ੍ਛਾਪਿਣ੍ਡਿਕੇਨ ਚਾਤਿ॥
Nesajjaṃ santhataṃ ekāsanikaṃ, khalupacchāpiṇḍikena cāti.
