| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
5. பத்தனித்³தே³ஸோ
5. Pattaniddeso
பத்தோ சாதி –
Pattocāti –
60.
60.
அயோபத்தோ பூ⁴மிபத்தோ, ஜாதியா கப்பியா து³வே;
Ayopatto bhūmipatto, jātiyā kappiyā duve;
உக்கட்டோ² மஜ்ஜி²மோ சேவ, ஓமகோ ச பமாணதோ.
Ukkaṭṭho majjhimo ceva, omako ca pamāṇato.
61.
61.
உக்கட்டோ² மக³தே⁴ நாளி-த்³வயதண்டு³லஸாதி⁴தங்;
Ukkaṭṭho magadhe nāḷi-dvayataṇḍulasādhitaṃ;
க³ண்ஹாதி ஓத³னங் ஸூபங், ப்³யஞ்ஜனஞ்ச ததூ³பியங்.
Gaṇhāti odanaṃ sūpaṃ, byañjanañca tadūpiyaṃ.
62.
62.
மஜ்ஜி²மோ தஸ்ஸுபட்³டோ⁴வ, ததோபட்³டோ⁴வ ஓமகோ;
Majjhimo tassupaḍḍhova, tatopaḍḍhova omako;
உக்கட்ட²தோ ச உக்கட்டோ², அபத்தோ ஓமகோமகோ.
Ukkaṭṭhato ca ukkaṭṭho, apatto omakomako.
63.
63.
அதிரேகபத்தோ தா⁴ரெய்யோ, த³ஸாஹபரமங் ஸகோ;
Atirekapatto dhāreyyo, dasāhaparamaṃ sako;
கப்போ நிஸ்ஸக்³கி³யோ ஹோதி, தஸ்மிங் காலேதினாமிதே.
Kappo nissaggiyo hoti, tasmiṃ kāletināmite.
64.
64.
அச்சே²த³தா³னகா³ஹேஹி, விப்³ப⁴மா மரணுத்³த⁴டா;
Acchedadānagāhehi, vibbhamā maraṇuddhaṭā;
லிங்க³ஸிக்கா²ஹி சி²த்³தே³ன, பத்தாதி⁴ட்டா²னமுஜ்ஜ²தி.
Liṅgasikkhāhi chiddena, pattādhiṭṭhānamujjhati.
65.
65.
பத்தங் ந படிஸாமெய்ய, ஸோத³கங் ந ச ஓதபே;
Pattaṃ na paṭisāmeyya, sodakaṃ na ca otape;
உண்ஹே ந நித³ஹே பு⁴ம்யா, ந ட²பே நோ ச லக்³க³யே.
Uṇhe na nidahe bhumyā, na ṭhape no ca laggaye.
66.
66.
மிட்³ட⁴ந்தே பரிப⁴ண்ட³ந்தே, அங்கே வா ஆதபத்தகே;
Miḍḍhante paribhaṇḍante, aṅke vā ātapattake;
பாதே³ஸு மஞ்சபீடே² வா, ட²பேதுங் ந ச கப்பதி.
Pādesu mañcapīṭhe vā, ṭhapetuṃ na ca kappati.
67.
67.
ந நீஹரெய்ய உச்சி²ட்டோ²-த³கஞ்ச சலகட்டி²கங்;
Na nīhareyya ucchiṭṭho-dakañca calakaṭṭhikaṃ;
பத்தேன பத்தஹத்தோ² வா, கவாடங் ந பணாமயே.
Pattena pattahattho vā, kavāṭaṃ na paṇāmaye.
68.
68.
பூ⁴மிஆதா⁴ரகே தா³ருத³ண்டா³தா⁴ரே ஸுஸஜ்ஜிதே;
Bhūmiādhārake dārudaṇḍādhāre susajjite;
து³வே பத்தே ட²பெய்யேகங், நிக்குஜ்ஜித்வான பூ⁴மியங்.
Duve patte ṭhapeyyekaṃ, nikkujjitvāna bhūmiyaṃ.
69.
69.
தா³ருரூபியஸோவண்ண-மணிவேளுரியாமயா ;
Dārurūpiyasovaṇṇa-maṇiveḷuriyāmayā ;
கங்ஸகாசதிபுஸீஸப²லிகாதம்ப³லோஹஜா.
Kaṃsakācatipusīsaphalikātambalohajā.
70.
70.
ச²வஸீஸமயோ சாபி, க⁴டீதும்ப³கடாஹஜா;
Chavasīsamayo cāpi, ghaṭītumbakaṭāhajā;
பத்தா அகப்பியா ஸப்³பே³, வுத்தா து³க்கடவத்து²காதி.
Pattā akappiyā sabbe, vuttā dukkaṭavatthukāti.
