| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
5. бад̇д̇анид̣̇д̣̇зсаван̣н̣анаа
5. Pattaniddesavaṇṇanā
60. аяобад̇д̇о наама аяасаа гаал̣алохзна ниб̣б̣ад̇д̇о бад̇д̇о. ж̇аад̇ияаа уггадтаад̣̇ийнам̣ сааман̃н̃авасзна. бамаан̣ад̇од̇и барижчзд̣̇ад̇о. д̇аяо бад̇д̇аад̇и баатасзсо.
60.Ayopatto nāma ayasā kāḷalohena nibbatto patto. Jātiyā ukkaṭṭhādīnaṃ sāmaññavasena. Pamāṇatoti paricchedato. Tayo pattāti pāṭhaseso.
61. ‘‘маг̇ад̇хзсуу’’д̇и вад̇д̇аб̣б̣з маг̇ад̇хзд̇и важанавибаллаасзна ваа ‘‘бажжаасаа сад̇ий’’д̇иаад̣̇ийсу вияа су-сад̣̇д̣̇алобзна ваа вуд̇д̇ам̣. наал̣ид̣̇ваяад̇ан̣д̣уласаад̇хид̇анд̇и зд̇т̇а маг̇ад̇хаабзгкоби наал̣и-сад̣̇д̣̇о д̣̇ваяа-сад̣̇д̣̇зна самаасо ход̇и г̇аммагад̇д̇аад̇и наал̣ияаа д̣̇ваяам̣ наал̣ид̣̇ваяам̣. д̇ад̇т̇а маг̇ад̇ханаал̣и наама ад̣дхад̇зрасабалаа ход̇и. зд̇т̇а жа ад̣дхад̇зрасабалаани маасаананд̇и вад̣̇анд̇и. наал̣ид̣̇ваязна бамид̇аа д̇ан̣д̣улаа сугоддид̇абарисуд̣̇д̇хаа анубахад̇абураан̣асаалид̇ан̣д̣улаа наал̣ид̣̇ваяад̇ан̣д̣улаа, д̇зхи саад̇хид̇ам̣ бажид̇анд̇и ад̇т̇о. од̣̇ананд̇и саммаа самбаад̣̇ид̇ам̣ авассаавид̇од̣̇анам̣. суубанд̇и од̣̇анасса жад̇уд̇т̇абхааг̇аббамаан̣ам̣ наад̇игханам̣ наад̇ид̇анугам̣ хад̇т̇ахаарияам̣ саб̣б̣асамбхаарасан̇кад̇ам̣ муг̇г̇асубам̣. б̣яан̃ж̇анан̃жа д̇ад̣̇уубияанд̇и д̇асса од̣̇анасса убияам̣ ануруубам̣ яаава жаримаалобаббахонагам̣ мажчамам̣саад̣̇иб̣яан̃ж̇анан̃жа уггадто г̇ан̣хаад̇ийд̇и самб̣анд̇хо.
61. ‘‘Magadhesū’’ti vattabbe magadheti vacanavipallāsena vā ‘‘paccāsā satī’’tiādīsu viya su-saddalopena vā vuttaṃ. Nāḷidvayataṇḍulasādhitanti ettha magadhāpekkhopi nāḷi-saddo dvaya-saddena samāso hoti gammakattāti nāḷiyā dvayaṃ nāḷidvayaṃ. Tattha magadhanāḷi nāma aḍḍhaterasapalā hoti. Ettha ca aḍḍhaterasapalāni māsānanti vadanti. Nāḷidvayena pamitā taṇḍulā sukoṭṭitaparisuddhā anupahatapurāṇasālitaṇḍulā nāḷidvayataṇḍulā, tehi sādhitaṃ pacitanti attho. Odananti sammā sampāditaṃ avassāvitodanaṃ. Sūpanti odanassa catutthabhāgappamāṇaṃ nātighanaṃ nātitanukaṃ hatthahāriyaṃ sabbasambhārasaṅkhataṃ muggasupaṃ. Byañjanañca tadūpiyanti tassa odanassa upiyaṃ anurūpaṃ yāva carimālopappahonakaṃ macchamaṃsādibyañjanañca ukkaṭṭho gaṇhātīti sambandho.
62. д̇ассаад̇и яат̇аавуд̇д̇аод̣̇анаад̣̇ино. убад̣дход̇и убад̣дхам̣ наал̣игод̣̇анаад̣̇и асса ад̇т̇ийд̇и убад̣дхо. зва-гаарзна ад̇ирзгам̣ нивад̇д̇зд̇и. д̇ад̇од̇и яат̇аавуд̇д̇анаал̣игод̣̇анаад̣̇ид̇о. уггадтад̇о уггадто жа омагомаго жа абад̇д̇од̇и яож̇анаа. омагад̇о омаго омагомаго. иминаа буна бад̇д̇ад̣̇ваяад̣̇ассанзна бамаан̣ад̇о д̇аяоби бад̇д̇аа вибхааг̇ад̇о нава хонд̇ийд̇и д̣̇ийбзд̇и. д̇ад̇т̇а яасмим̣ маг̇ад̇ханаал̣ид̣̇ваяад̇ан̣д̣улод̣̇анаад̣̇игам̣ саб̣б̣амби вад̣дханабагкз тид̇ам̣ багкид̇д̇ам̣ сажз бад̇д̇асса мукаваддияаа хздтимарааж̇исамам̣ д̇идтад̇и, суд̇д̇зна ваа хийрзна ваа чинд̣̇анд̇асса суд̇д̇асса ваа хийрасса ваа хздтиманд̇ам̣ пусад̇и, аяам̣ уггадто наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ уггадтомаго наама бад̇д̇о. сажз д̇ам̣ рааж̇им̣ на самбаабун̣аад̇и анд̇ог̇ад̇амзва, аяам̣ уггадтуггадто наама бад̇д̇о. ‘‘згам̣ наал̣игод̣̇анаад̣̇и саб̣б̣амби багкид̇д̇ам̣ вуд̇д̇анаязнзва хздтимарааж̇исамам̣ д̇идтад̇и, аяам̣ маж̇жхимо наама бад̇д̇о’’д̇иаад̣̇инаа маж̇жхимамаж̇жхимомагамаж̇жхимуггадтаа жа ‘‘яад̇т̇а убад̣дханаал̣игод̣̇анаад̣̇и саб̣б̣амби багкид̇д̇ам̣ хздтимарааж̇исамам̣ д̇идтад̇и , аяам̣ омаго наама бад̇д̇о’’д̇иаад̣̇инаа омагаомагомагаомагуггадтаа жа бад̇д̇аа уггадтз вуд̇д̇анаязнзва взд̣̇ид̇аб̣б̣аа. д̇зсу д̣̇вз абад̇д̇аа бхааж̇анабарибхог̇зна барибхун̃ж̇ид̇аб̣б̣аа, наад̇хидтаануубаг̇аа, на вигаббануубаг̇аа.
62.Tassāti yathāvuttaodanādino. Upaḍḍhoti upaḍḍhaṃ nāḷikodanādi assa atthīti upaḍḍho. Eva-kārena atirekaṃ nivatteti. Tatoti yathāvuttanāḷikodanādito. Ukkaṭṭhato ukkaṭṭho ca omakomako ca apattoti yojanā. Omakato omako omakomako. Iminā puna pattadvayadassanena pamāṇato tayopi pattā vibhāgato nava hontīti dīpeti. Tattha yasmiṃ magadhanāḷidvayataṇḍulodanādikaṃ sabbampi vaḍḍhanapakkhe ṭhitaṃ pakkhittaṃ sace pattassa mukhavaṭṭiyā heṭṭhimarājisamaṃ tiṭṭhati, suttena vā hīrena vā chindantassa suttassa vā hīrassa vā heṭṭhimantaṃ phusati, ayaṃ ukkaṭṭho nāma patto. Sace taṃ rājiṃ atikkamma thūpīkataṃ tiṭṭhati, ayaṃ ukkaṭṭhomako nāma patto. Sace taṃ rājiṃ na sampāpuṇāti antogatameva, ayaṃ ukkaṭṭhukkaṭṭho nāma patto. ‘‘Ekaṃ nāḷikodanādi sabbampi pakkhittaṃ vuttanayeneva heṭṭhimarājisamaṃ tiṭṭhati, ayaṃ majjhimo nāma patto’’tiādinā majjhimamajjhimomakamajjhimukkaṭṭhā ca ‘‘yattha upaḍḍhanāḷikodanādi sabbampi pakkhittaṃ heṭṭhimarājisamaṃ tiṭṭhati , ayaṃ omako nāma patto’’tiādinā omakaomakomakaomakukkaṭṭhā ca pattā ukkaṭṭhe vuttanayeneva veditabbā. Tesu dve apattā bhājanaparibhogena paribhuñjitabbā, nādhiṭṭhānūpagā, na vikappanūpagā.
63. габбо саго ад̇ирзгабад̇д̇о д̣̇асаахабарамам̣ д̇хаарзяяаад̇и яож̇анаа. д̇ад̇т̇а габбод̇и габбияо. сагод̇и ад̇д̇ано санд̇аго. габбияад̇д̇аа бана ад̇д̇асанд̇агад̇д̇аа жа сад̇д̇аннамби ад̇хидтаанавигаббануубаг̇ад̇аа взд̣̇ид̇аб̣б̣аа. д̇ад̇т̇а аяобад̇д̇о бан̃жахи баагзхи, мад̇д̇игаабад̇д̇о д̣̇вийхи баагзхи багго ад̇хидтаануубаг̇о жа вигаббануубаг̇о жа, д̇ат̇аа убхоби гааган̣игамад̇д̇ассааби мууласса анавасзсзд̇ваа д̣̇иннз, саб̣б̣асо ад̇д̇асанд̇агад̇д̇з вин̃н̃аад̇з жа ад̇хидтаанавигаббануубаг̇аад̇и д̣̇адтаб̣б̣ам̣. ад̇ирзгабад̇д̇од̇и анад̇хидтид̇аавигаббид̇ад̇ааяа ад̇ирзгабад̇д̇о. ад̇хидтаанабажжуд̣̇д̇хаараа банзд̇т̇а жийварз вуд̇д̇аава. вигаббзнд̇зна бана бад̇д̇аанам̣ згаб̣ахубхаавам̣, саннихид̇аасаннихид̇абхааван̃жа н̃ад̇ваа ‘‘имам̣ бад̇д̇а’’нд̇и ваа ‘‘имз бад̇д̇з’’д̇и ваа ‘‘зд̇ам̣ бад̇д̇а’’нд̇и ваа ‘‘зд̇з бад̇д̇з’’д̇и ваа вад̇ваа ‘‘д̇уяхам̣ вигаббзмий’’д̇и вад̇д̇аб̣б̣ам̣. саммукаад̣̇ибхзд̣̇о банзд̇т̇а жийварз вагкамаананаязна взд̣̇ид̇аб̣б̣о. д̣̇асаахабараманд̇и д̣̇аса ахаани барамо барижчзд̣̇о ассаад̇и д̣̇ахаахабарамо, гаало, д̇ам̣. ажжанд̇асам̣яог̇з убаяог̇аважанам̣. д̇хаарзяяод̇и барибхог̇авасзна д̇хаарзд̇аб̣б̣о. д̇асмим̣гаалз ад̇инаамид̇з бад̇д̇о ниссаг̇г̇ияо ход̇ийд̇и яож̇анаа. ад̇инаамид̇зд̇и ад̇иггаамид̇з ниссаг̇г̇ияо ход̇и, згаад̣̇асз арун̣уг̇г̇аманз сан̇гхасса ваа г̇ан̣асса ваа буг̇г̇аласса ваа бад̣̇абхааж̇анийяз (баараа. 602) вуд̇д̇анаязна бад̇д̇о ниссаж̇ж̇ид̇аб̣б̣о ход̇и, д̇ат̇аа сад̇и баажид̇д̇ияаабад̇д̇и жасса ход̇ийд̇и ад̇хиббааяо.
63. Kappo sako atirekapatto dasāhaparamaṃ dhāreyyāti yojanā. Tattha kappoti kappiyo. Sakoti attano santako. Kappiyattā pana attasantakattā ca sattannampi adhiṭṭhānavikappanūpagatā veditabbā. Tattha ayopatto pañcahi pākehi, mattikāpatto dvīhi pākehi pakko adhiṭṭhānūpago ca vikappanūpago ca, tathā ubhopi kākaṇikamattassāpi mūlassa anavasesetvā dinne, sabbaso attasantakatte viññāte ca adhiṭṭhānavikappanūpagāti daṭṭhabbaṃ. Atirekapattoti anadhiṭṭhitāvikappitatāya atirekapatto. Adhiṭṭhānapaccuddhārā panettha cīvare vuttāva. Vikappentena pana pattānaṃ ekabahubhāvaṃ, sannihitāsannihitabhāvañca ñatvā ‘‘imaṃ patta’’nti vā ‘‘ime patte’’ti vā ‘‘etaṃ patta’’nti vā ‘‘ete patte’’ti vā vatvā ‘‘tuyhaṃ vikappemī’’ti vattabbaṃ. Sammukhādibhedo panettha cīvare vakkhamānanayena veditabbo. Dasāhaparamanti dasa ahāni paramo paricchedo assāti dahāhaparamo, kālo, taṃ. Accantasaṃyoge upayogavacanaṃ. Dhāreyyoti paribhogavasena dhāretabbo. Tasmiṃkāle atināmite patto nissaggiyo hotīti yojanā. Atināmiteti atikkāmite nissaggiyo hoti, ekādase aruṇuggamane saṅghassa vā gaṇassa vā puggalassa vā padabhājanīye (pārā. 602) vuttanayena patto nissajjitabbo hoti, tathā sati pācittiyāpatti cassa hotīti adhippāyo.
64. ‘‘ажчзд̣̇аа’’д̇иаад̣̇и жийварз вуд̇д̇анаяад̇д̇аа уд̇д̇аанамзва. аяам̣ бана висзсо – маран̣уд̣̇д̇хадаад̇и уд̣̇д̇харан̣ам̣ уд̣̇д̇хал̣ам̣, бажжуд̣̇д̇хааро. маран̣ан̃жа уд̣̇д̇хадан̃жа маран̣уд̣̇д̇хадаа, д̇асмаа. чид̣̇д̣̇знаад̇и язна ган̇г̇усид̇т̇ам̣ нигкамад̇и жзва бависад̇и жа, д̇зна мукаваддид̇о хздтаа д̣̇ван̇г̇улачид̣̇д̣̇зна. бад̇д̇аад̇хидтаанамуж̇жхад̇ийд̇и бад̇д̇о ад̇хидтаанам̣ уж̇жхад̇и виссаж̇ж̇ад̇и.
64.‘‘Acchedā’’tiādi cīvare vuttanayattā uttānameva. Ayaṃ pana viseso – maraṇuddhaṭāti uddharaṇaṃ uddhaḷaṃ, paccuddhāro. Maraṇañca uddhaṭañca maraṇuddhaṭā, tasmā. Chiddenāti yena kaṅgusitthaṃ nikkhamati ceva pavisati ca, tena mukhavaṭṭito heṭṭhā dvaṅgulachiddena. Pattādhiṭṭhānamujjhatīti patto adhiṭṭhānaṃ ujjhati vissajjati.
65. ид̣̇аани ‘‘бад̇д̇а’’нд̇иаад̣̇инаа ан̃н̃ат̇аа барихаран̣з д̣̇уггадам̣ д̣̇ассзд̇и. д̇ад̇т̇а сод̣̇агам̣ бад̇д̇ам̣ на бадисаамзяяаад̇и яож̇анаа. на бадисаамзяяаад̇и г̇уд̇д̇адтаанз на нигкибзяяа, ‘‘сод̣̇агам̣ бад̇д̇ам̣ ун̣хз на жа од̇абз’’д̇иаад̣̇инаа жа яож̇анийяам̣. на жа од̇абзд̇и нзва ийсагам̣ д̇аабзяяа. на нид̣̇ахзд̇и нируд̣̇агам̣ гад̇вааби бхусам̣ на нид̣̇ахзяяа, вод̣̇агам̣ гад̇ваа ийсагам̣ д̇аабзяяаад̇иби б̣яад̇ирзгад̇т̇о. бхуумяаа на табзд̇и карааяа бхуумияаа на табзяяа. яад̇т̇а бана ван̣н̣о на д̣̇уссад̇и, зваруубааяа мад̇д̇игааяа барибхан̣д̣агад̇ааяа бхуумияаа ваа д̇ат̇ааруубааяа зва ваалигааяа ваа ниггуж̇ж̇ид̇ваа уггуж̇ж̇ид̇ваа табзд̇ум̣ ваддад̇и. но жа лаг̇г̇аязд̇и бхид̇д̇икилаад̣̇ийсу на оламб̣зяяа.
65. Idāni ‘‘patta’’ntiādinā aññathā pariharaṇe dukkaṭaṃ dasseti. Tattha sodakaṃ pattaṃ na paṭisāmeyyāti yojanā. Na paṭisāmeyyāti guttaṭṭhāne na nikkhipeyya, ‘‘sodakaṃ pattaṃ uṇhe na ca otape’’tiādinā ca yojanīyaṃ. Na ca otapeti neva īsakaṃ tāpeyya. Na nidaheti nirudakaṃ katvāpi bhusaṃ na nidaheyya, vodakaṃ katvā īsakaṃ tāpeyyātipi byatirekattho. Bhūmyā na ṭhapeti kharāya bhūmiyā na ṭhapeyya. Yattha pana vaṇṇo na dussati, evarūpāya mattikāya paribhaṇḍakatāya bhūmiyā vā tathārūpāya eva vālikāya vā nikkujjitvā ukkujjitvā ṭhapetuṃ vaṭṭati. No ca laggayeti bhittikhilādīsu na olambeyya.
66. ‘‘мид̣дханд̇з ваа’’д̇иаад̣̇инаа вад̇ваа бад̇д̇ам̣ табзд̇ум̣ на жа габбад̇ийд̇и яож̇зд̇аб̣б̣ам̣. мид̣дханд̇зд̇и аал̣инд̣̇агамид̣дхигаад̣̇ийнам̣ мид̣дхийнам̣ анд̇з. сажз бана баривад̇д̇зд̇ваа д̇ад̇т̇зва бад̇идтаад̇и, зваруубааяа вид̇т̇ин̣н̣ааяа мид̣дхияаа табзд̇ум̣ ваддад̇и. барибхан̣д̣анд̇з ваад̇и б̣аахирабассз гад̇ааяа д̇анугааяа мид̣дхигааяа анд̇з ваа. зд̇т̇а ваа-сад̣̇д̣̇о самужжаяз, со жа бажжзгам̣ яож̇зд̇аб̣б̣о. ан̇гз бана ам̣саб̣ад̣̇д̇хагзна ам̣сагуудз лаг̇г̇зд̇ваа табзд̇ун̃жа ваддад̇и. чад̇д̇зби бхан̣д̣агзна сад̣̇д̇хим̣ б̣анд̇хид̇ваа ваа аддам̣ гад̇ваа ваа табзд̇ум̣ ваддад̇и. ман̃жзби ан̃н̃зна сад̣̇д̇хим̣ б̣анд̇хид̇ваа табзд̇ум̣, аданияам̣ б̣анд̇хид̇ваа оламб̣зд̇ум̣ ваддад̇и.
66. ‘‘Miḍḍhante vā’’tiādinā vatvā pattaṃ ṭhapetuṃ na ca kappatīti yojetabbaṃ. Miḍḍhanteti āḷindakamiḍḍhikādīnaṃ miḍḍhīnaṃ ante. Sace pana parivattetvā tattheva patiṭṭhāti, evarūpāya vitthiṇṇāya miḍḍhiyā ṭhapetuṃ vaṭṭati. Paribhaṇḍante vāti bāhirapasse katāya tanukāya miḍḍhikāya ante vā. Ettha vā-saddo samuccaye, so ca paccekaṃ yojetabbo. Aṅke pana aṃsabaddhakena aṃsakūṭe laggetvā ṭhapetuñca vaṭṭati. Chattepi bhaṇḍakena saddhiṃ bandhitvā vā aṭṭaṃ katvā vā ṭhapetuṃ vaṭṭati. Mañcepi aññena saddhiṃ bandhitvā ṭhapetuṃ, aṭaniyaṃ bandhitvā olambetuṃ vaṭṭati.
67. бад̇д̇зна ужчидтод̣̇аган̃жа жалагадтиган̃жа на нийхарзяяаад̇и самб̣анд̇хо. ужчидтод̣̇аганд̇и мукавигкааланод̣̇агам̣. жалагаани жа жаб̣б̣зд̇ваа абавид̣̇д̇хаамисаани адтигаани мажчамам̣саадтигаани жа жалагадтигам̣. бад̇д̇ам̣ бадиг̇г̇ахам̣ гад̇ваа хад̇т̇ам̣ д̇ховид̇умби хад̇т̇ад̇ход̇аад̣̇и уд̣̇агамби бад̇д̇з аагирид̇ваа нийхарид̇умби анужчидтам̣ суд̣̇д̇хабад̇д̇ам̣ ужчидтахад̇т̇зна г̇ан̣хид̇умби на ваддад̇и. мажчамам̣сапалаапалаад̣̇ийни каад̣̇анд̇о яам̣ д̇ад̇т̇а адтим̣ ваа жалагам̣ ваа чад̣д̣зд̇угаамо ход̇и, д̇ам̣ бад̇д̇з табзд̇ум̣ на лабхад̇и. мукад̇о нийхадам̣ бана яам̣ гин̃жи буна акаад̣̇ид̇угаамо бад̇д̇з табзд̇ум̣ на лабхад̇и. син̇г̇ивзраад̣̇ийни д̣ам̣сид̇ваа буна табзд̇ум̣ лабхад̇и. бад̇д̇ахад̇т̇од̇и бад̇д̇о хад̇т̇з яассаад̇и виг̇г̇ахо. ‘‘бад̇д̇ахад̇т̇о, гаваада’’нд̇и жа убалагкан̣амзд̇ам̣. яад̇т̇а гад̇т̇ажи сарийрааваяавз бана бад̇д̇асмим̣ сад̇и язна гзнажи сарийрааваяавзна гаваадам̣ бан̣аамзд̇ум̣, гхадигам̣ ваа угкибид̇ум̣, суужим̣ ваа гун̃жигааяа аваабурид̇ум̣ на лабхад̇и. ам̣сагуудз бана бад̇д̇ам̣ лаг̇г̇зд̇ваа яат̇аасукам̣ аваабурид̇ум̣ лабхад̇и.
67. Pattena ucchiṭṭhodakañca calakaṭṭhikañca na nīhareyyāti sambandho. Ucchiṭṭhodakanti mukhavikkhālanodakaṃ. Calakāni ca cabbetvā apaviddhāmisāni aṭṭhikāni macchamaṃsaaṭṭhikāni ca calakaṭṭhikaṃ. Pattaṃ paṭiggahaṃ katvā hatthaṃ dhovitumpi hatthadhotādi udakampi patte ākiritvā nīharitumpi anucchiṭṭhaṃ suddhapattaṃ ucchiṭṭhahatthena gaṇhitumpi na vaṭṭati. Macchamaṃsaphalāphalādīni khādanto yaṃ tattha aṭṭhiṃ vā calakaṃ vā chaḍḍetukāmo hoti, taṃ patte ṭhapetuṃ na labhati. Mukhato nīhaṭaṃ pana yaṃ kiñci puna akhāditukāmo patte ṭhapetuṃ na labhati. Siṅgiverādīni ḍaṃsitvā puna ṭhapetuṃ labhati. Pattahatthoti patto hatthe yassāti viggaho. ‘‘Pattahattho, kavāṭa’’nti ca upalakkhaṇametaṃ. Yattha katthaci sarīrāvayave pana pattasmiṃ sati yena kenaci sarīrāvayavena kavāṭaṃ paṇāmetuṃ, ghaṭikaṃ vā ukkhipituṃ, sūciṃ vā kuñcikāya avāpurituṃ na labhati. Aṃsakūṭe pana pattaṃ laggetvā yathāsukhaṃ avāpurituṃ labhati.
68. бхуумияаа бхуумисамб̣анд̇хий аад̇хаараго, д̇асмим̣ д̣̇анд̇авалливзд̇д̇аад̣̇ийхи гад̇з валаяаад̇хаарагз жа згад̣̇аарунаа гад̇з д̣̇ааруаад̇хаарагз жа б̣ахуухи д̣̇ан̣д̣зхи гад̇з д̣̇ан̣д̣аад̇хаарагз жа яад̇т̇а табид̇о бад̇д̇о яат̇аа баривад̇д̇ид̇ваа на барибад̇ад̇и, д̇ат̇аа судту саж̇ж̇ид̇з д̇асмим̣ бад̇д̇ассубари бад̇д̇од̇и зваруубз д̣̇увз бад̇д̇з табзяяаад̇и бад̣̇ад̇т̇аяож̇анаа. бхамагодисад̣̇исо бана д̣̇ааруаад̇хаараго д̇ийхи д̣̇ан̣д̣агзхи б̣ад̣̇д̇хо д̣̇ан̣д̣аад̇хаараго жа згассаби бад̇д̇асса аногаасо, д̇ад̇т̇а табзд̇вааби хад̇т̇зна г̇ахзд̇ваа нисийд̣̇ид̇аб̣б̣ам̣. бхуумияанд̇и гадасаарагаад̣̇инаа ад̇т̇ад̇ааяа бхуумияаа бана ниггуж̇ж̇ид̇ваа ваа бадигуж̇ж̇ид̇ваа ваа згам̣ бад̇д̇ам̣ табзяяаад̇и яож̇анаа.
68. Bhūmiyā bhūmisambandhī ādhārako, tasmiṃ dantavallivettādīhi kate valayādhārake ca ekadārunā kate dāruādhārake ca bahūhi daṇḍehi kate daṇḍādhārake ca yattha ṭhapito patto yathā parivattitvā na paripatati, tathā suṭṭhu sajjite tasmiṃ pattassupari pattoti evarūpe duve patte ṭhapeyyāti padatthayojanā. Bhamakoṭisadiso pana dāruādhārako tīhi daṇḍakehi baddho daṇḍādhārako ca ekassapi pattassa anokāso, tattha ṭhapetvāpi hatthena gahetvā nisīditabbaṃ. Bhūmiyanti kaṭasārakādinā atthatāya bhūmiyā pana nikkujjitvā vā paṭikujjitvā vā ekaṃ pattaṃ ṭhapeyyāti yojanā.
69. ид̣̇аани агаббияабад̇д̇з д̣̇ассзд̇и ‘‘д̣̇ааруу’’д̇иаад̣̇инаа. д̇ад̇т̇а суван̣н̣амзва сован̣н̣ам̣. д̣̇аару жа руубияан̃жа сован̣н̣ан̃жа ман̣и жа взл̣урияан̃жа д̣̇аару…бз… взл̣урияаани, д̇зхи ниб̣б̣ад̇д̇аа д̣̇аару…бз… маяаа . д̣̇ийгхо бана ‘‘взл̣урияаамаяаа’’д̇и г̇аат̇ааб̣анд̇хасукад̇т̇ам̣ гад̇о. звамубариби д̇аад̣̇исам̣ вин̃н̃зяяам̣. д̇ад̇т̇а инд̣̇анийлаад̣̇и ман̣и наама. гам̣со жа гаажо жа д̇ибу жа сийсан̃жа палигаа жа д̇амб̣алохо жаад̇и д̣̇ванд̣̇о, д̇зхи ж̇аад̇аа гам̣са…бз… ж̇аа. д̇ад̇т̇а гам̣са-сад̣̇д̣̇зна ваддалохоби сан̇г̇ахид̇о. сзд̇ам̣ д̇ибу, ган̣хам̣ сийсам̣.
69. Idāni akappiyapatte dasseti ‘‘dārū’’tiādinā. Tattha suvaṇṇameva sovaṇṇaṃ. Dāru ca rūpiyañca sovaṇṇañca maṇi ca veḷuriyañca dāru…pe… veḷuriyāni, tehi nibbattā dāru…pe… mayā. Dīgho pana ‘‘veḷuriyāmayā’’ti gāthābandhasukhatthaṃ kato. Evamuparipi tādisaṃ viññeyyaṃ. Tattha indanīlādi maṇi nāma. Kaṃso ca kāco ca tipu ca sīsañca phalikā ca tambaloho cāti dvando, tehi jātā kaṃsa…pe… jā. Tattha kaṃsa-saddena vaṭṭalohopi saṅgahito. Setaṃ tipu, kaṇhaṃ sīsaṃ.
70. чавасийсамаяод̇и чавасса мад̇амануссасса сийсам̣ сийсагабаалам̣, д̇зна ниб̣б̣ад̇д̇о чавасийсамаяо. гхади жа д̇умб̣ан̃жа, д̇зсам̣ гадаахо, д̇зхи ж̇аад̇аад̇и гхадид̇умб̣агадаахаж̇аа. д̇ад̇т̇а гхадийд̇и гхадоязва. д̇умб̣ам̣ алааб̣у. ид̇и имз саб̣б̣з бад̇д̇аа агаббияаа вуд̇д̇аа, д̣̇уггадавад̇т̇угаа жа вуд̇д̇аад̇и яож̇анаа. д̇ад̇т̇а руубияаад̣̇ийсу жад̇уусу сажз г̇ихий бхад̇д̇аг̇г̇зсу суван̣н̣ад̇аддагаад̣̇ийсу б̣яан̃ж̇анам̣ гад̇ваа убанаамзнд̇и, аамасид̇ум̣ на ваддад̇и. гам̣сагаажапалигаж̇аани бана д̇аддагаад̣̇ийни бхааж̇анаани буг̇г̇алигабарибхог̇знзва на вадданд̇и, сан̇гхигабарибхог̇зна ваа г̇ихивигадаани ваа вадданд̇и. гхадид̇умб̣агадаахаж̇аа бана лабхид̇ваа барихарид̇ум̣ на вадданд̇и, д̇аавагаалигам̣ барибхун̃ж̇ид̇ум̣ вадданд̇и.
70.Chavasīsamayoti chavassa matamanussassa sīsaṃ sīsakapālaṃ, tena nibbatto chavasīsamayo. Ghaṭi ca tumbañca, tesaṃ kaṭāho, tehi jātāti ghaṭitumbakaṭāhajā. Tattha ghaṭīti ghaṭoyeva. Tumbaṃ alābu. Iti ime sabbe pattā akappiyā vuttā, dukkaṭavatthukā ca vuttāti yojanā. Tattha rūpiyādīsu catūsu sace gihī bhattaggesu suvaṇṇataṭṭakādīsu byañjanaṃ katvā upanāmenti, āmasituṃ na vaṭṭati. Kaṃsakācaphalikajāni pana taṭṭakādīni bhājanāni puggalikaparibhogeneva na vaṭṭanti, saṅghikaparibhogena vā gihivikaṭāni vā vaṭṭanti. Ghaṭitumbakaṭāhajā pana labhitvā pariharituṃ na vaṭṭanti, tāvakālikaṃ paribhuñjituṃ vaṭṭanti.
бад̇д̇анид̣̇д̣̇зсаван̣н̣анаа нидтид̇аа.
Pattaniddesavaṇṇanā niṭṭhitā.
