| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൩. പതോദസുത്തവണ്ണനാ
3. Patodasuttavaṇṇanā
൧൧൩. തതിയേ പതോദച്ഛായന്തി വിജ്ഝനത്ഥം ഉക്ഖിത്തസ്സ പതോദസ്സ ഛായം. സംവിജ്ജതീതി ‘‘ജവോ മേ ഗഹേതബ്ബോ’’തി സല്ലക്ഖണവസേന സംവിജ്ജതി. സംവേഗം ആപജ്ജതീതി സംവേഗം പടിപജ്ജതി ലോമവേധവിദ്ധോതി ലോമകൂപേ പതോദവേധേന വിദ്ധമത്തോ. ചമ്മവേധവിദ്ധോതി ഛവിചമ്മം ഛിന്ദന്തേന പതോദവേധേന വിദ്ധോ. അട്ഠിവേധവിദ്ധോതി അട്ഠിം ഭിന്ദന്തേന വേധേന വിദ്ധോ. കായേനാതി നാമകായേന. പരമസച്ചന്തി നിബ്ബാനം. സച്ഛികരോതീതി പസ്സതി. പഞ്ഞായാതി സഹവിപസ്സനായ മഗ്ഗപഞ്ഞായ.
113. Tatiye patodacchāyanti vijjhanatthaṃ ukkhittassa patodassa chāyaṃ. Saṃvijjatīti ‘‘javo me gahetabbo’’ti sallakkhaṇavasena saṃvijjati. Saṃvegaṃ āpajjatīti saṃvegaṃ paṭipajjati lomavedhaviddhoti lomakūpe patodavedhena viddhamatto. Cammavedhaviddhoti chavicammaṃ chindantena patodavedhena viddho. Aṭṭhivedhaviddhoti aṭṭhiṃ bhindantena vedhena viddho. Kāyenāti nāmakāyena. Paramasaccanti nibbānaṃ. Sacchikarotīti passati. Paññāyāti sahavipassanāya maggapaññāya.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൩. പതോദസുത്തം • 3. Patodasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൭. കേസിസുത്താദിവണ്ണനാ • 1-7. Kesisuttādivaṇṇanā
