| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৩. পতোদসুত্তৰণ্ণনা
3. Patodasuttavaṇṇanā
১১৩. ততিযে পতোদচ্ছাযন্তি ৰিজ্ঝনত্থং উক্খিত্তস্স পতোদস্স ছাযং। সংৰিজ্জতীতি ‘‘জৰো মে গহেতব্বো’’তি সল্লক্খণৰসেন সংৰিজ্জতি। সংৰেগং আপজ্জতীতি সংৰেগং পটিপজ্জতি লোমৰেধৰিদ্ধোতি লোমকূপে পতোদৰেধেন ৰিদ্ধমত্তো। চম্মৰেধৰিদ্ধোতি ছৰিচম্মং ছিন্দন্তেন পতোদৰেধেন ৰিদ্ধো। অট্ঠিৰেধৰিদ্ধোতি অট্ঠিং ভিন্দন্তেন ৰেধেন ৰিদ্ধো। কাযেনাতি নামকাযেন। পরমসচ্চন্তি নিব্বানং। সচ্ছিকরোতীতি পস্সতি। পঞ্ঞাযাতি সহৰিপস্সনায মগ্গপঞ্ঞায।
113. Tatiye patodacchāyanti vijjhanatthaṃ ukkhittassa patodassa chāyaṃ. Saṃvijjatīti ‘‘javo me gahetabbo’’ti sallakkhaṇavasena saṃvijjati. Saṃvegaṃ āpajjatīti saṃvegaṃ paṭipajjati lomavedhaviddhoti lomakūpe patodavedhena viddhamatto. Cammavedhaviddhoti chavicammaṃ chindantena patodavedhena viddho. Aṭṭhivedhaviddhoti aṭṭhiṃ bhindantena vedhena viddho. Kāyenāti nāmakāyena. Paramasaccanti nibbānaṃ. Sacchikarotīti passati. Paññāyāti sahavipassanāya maggapaññāya.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. পতোদসুত্তং • 3. Patodasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৭. কেসিসুত্তাদিৰণ্ণনা • 1-7. Kesisuttādivaṇṇanā
