| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ပတိဋ္ဌိတသုတ္တံ
6. Patiṭṭhitasuttaṃ
၅၂၆. ‘‘ဧကဓမ္မေ ပတိဋ္ဌိတသ္သ, ဘိက္ခဝေ, ဘိက္ခုနော ပဉ္စိန္ဒ္ရိယာနိ ဘာဝိတာနိ ဟောန္တိ သုဘာဝိတာနိ။ ကတမသ္မိံ ဧကဓမ္မေ? အပ္ပမာဒေ။ ကတမော စ ဘိက္ခဝေ, အပ္ပမာဒော? ဣဓ, ဘိက္ခဝေ, ဘိက္ခု စိတ္တံ ရက္ခတိ အာသဝေသု စ သာသဝေသု စ ဓမ္မေသု။ တသ္သ စိတ္တံ ရက္ခတော အာသဝေသု စ သာသဝေသု စ ဓမ္မေသု သဒ္ဓိန္ဒ္ရိယမ္ပိ ဘာဝနာပာရိပူရိံ ဂစ္ဆတိ။ ဝီရိယိန္ဒ္ရိယမ္ပိ ဘာဝနာပာရိပူရိံ ဂစ္ဆတိ။ သတိန္ဒ္ရိယမ္ပိ ဘာဝနာပာရိပူရိံ ဂစ္ဆတိ။ သမာဓိန္ဒ္ရိယမ္ပိ ဘာဝနာပာရိပူရိံ ဂစ္ဆတိ။ ပညိန္ဒ္ရိယမ္ပိ ဘာဝနာပာရိပူရိံ ဂစ္ဆတိ။ ဧဝမ္ပိ ခော, ဘိက္ခဝေ, ဧကဓမ္မေ ပတိဋ္ဌိတသ္သ ဘိက္ခုနော ပဉ္စိန္ဒ္ရိယာနိ ဘာဝိတာနိ ဟောန္တိ သုဘာဝိတာနီ’’တိ။ ဆဋ္ဌံ။
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၇. ပတိဋ္ဌိတသုတ္တာဒိဝဏ္ဏနာ • 6-7. Patiṭṭhitasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ပတိဋ္ဌိတသုတ္တဝဏ္ဏနာ • 6. Patiṭṭhitasuttavaṇṇanā
