| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౬. పతిట్ఠితసుత్తం
6. Patiṭṭhitasuttaṃ
౫౨౬. ‘‘ఏకధమ్మే పతిట్ఠితస్స, భిక్ఖవే, భిక్ఖునో పఞ్చిన్ద్రియాని భావితాని హోన్తి సుభావితాని. కతమస్మిం ఏకధమ్మే? అప్పమాదే. కతమో చ భిక్ఖవే, అప్పమాదో? ఇధ, భిక్ఖవే, భిక్ఖు చిత్తం రక్ఖతి ఆసవేసు చ సాసవేసు చ ధమ్మేసు. తస్స చిత్తం రక్ఖతో ఆసవేసు చ సాసవేసు చ ధమ్మేసు సద్ధిన్ద్రియమ్పి భావనాపారిపూరిం గచ్ఛతి. వీరియిన్ద్రియమ్పి భావనాపారిపూరిం గచ్ఛతి. సతిన్ద్రియమ్పి భావనాపారిపూరిం గచ్ఛతి. సమాధిన్ద్రియమ్పి భావనాపారిపూరిం గచ్ఛతి. పఞ్ఞిన్ద్రియమ్పి భావనాపారిపూరిం గచ్ఛతి. ఏవమ్పి ఖో, భిక్ఖవే, ఏకధమ్మే పతిట్ఠితస్స భిక్ఖునో పఞ్చిన్ద్రియాని భావితాని హోన్తి సుభావితానీ’’తి. ఛట్ఠం.
526. ‘‘Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni. Katamasmiṃ ekadhamme? Appamāde. Katamo ca bhikkhave, appamādo? Idha, bhikkhave, bhikkhu cittaṃ rakkhati āsavesu ca sāsavesu ca dhammesu. Tassa cittaṃ rakkhato āsavesu ca sāsavesu ca dhammesu saddhindriyampi bhāvanāpāripūriṃ gacchati. Vīriyindriyampi bhāvanāpāripūriṃ gacchati. Satindriyampi bhāvanāpāripūriṃ gacchati. Samādhindriyampi bhāvanāpāripūriṃ gacchati. Paññindriyampi bhāvanāpāripūriṃ gacchati. Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī’’ti. Chaṭṭhaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౬-౭. పతిట్ఠితసుత్తాదివణ్ణనా • 6-7. Patiṭṭhitasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. పతిట్ఠితసుత్తవణ్ణనా • 6. Patiṭṭhitasuttavaṇṇanā
