| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. бадисанд̣̇аханабан̃хо
2. Paṭisandahanapañho
2. рааж̇аа ааха ‘‘бханд̇з нааг̇асзна, яо на бадисанд̣̇ахад̇и, ж̇аанаад̇и со ‘на бадисанд̣̇ахиссаамий’д̇и? ‘‘аама, махаарааж̇а, яо на бадисанд̣̇ахад̇и, ж̇аанаад̇и со ‘на бадисанд̣̇ахиссаамий’д̇и. ‘‘гат̇ам̣, бханд̇з, ж̇аанаад̇ий’’д̇и? ‘‘яо хзд̇у яо бажжаяо, махаарааж̇а, бадисанд̣̇аханааяа, д̇асса хзд̇усса д̇асса бажжаяасса убарамаа ж̇аанаад̇и со ‘на бадисанд̣̇ахиссаамий’’’д̇и.
2. Rājā āha ‘‘bhante nāgasena, yo na paṭisandahati, jānāti so ‘na paṭisandahissāmī’ti? ‘‘Āma, mahārāja, yo na paṭisandahati, jānāti so ‘na paṭisandahissāmī’ti. ‘‘Kathaṃ, bhante, jānātī’’ti? ‘‘Yo hetu yo paccayo, mahārāja, paṭisandahanāya, tassa hetussa tassa paccayassa uparamā jānāti so ‘na paṭisandahissāmī’’’ti.
‘‘обаммам̣ гарохий’’д̇и. ‘‘яат̇аа, махаарааж̇а, гассаго г̇ахабад̇иго гасид̇ваа жа вабид̇ваа жа д̇хан̃н̃ааг̇аарам̣ барибуурзяяа. со абарзна самаязна нзва гассзяяа на ваббзяяа, яат̇аасамбхад̇ан̃жа д̇хан̃н̃ам̣ барибхун̃ж̇зяяа ваа висаж̇ж̇зяяа ваа яат̇аа бажжаяам̣ ваа гарзяяа, ж̇аанзяяа со, махаарааж̇а, гассаго г̇ахабад̇иго ‘на мз д̇хан̃н̃ааг̇аарам̣ барибуурзссад̇ий’д̇и? ‘‘аама, бханд̇з, ж̇аанзяяаа’’д̇и. ‘‘гат̇ам̣ ж̇аанзяяаа’’д̇и? ‘‘яо хзд̇у яо бажжаяо д̇хан̃н̃ааг̇аарасса барибууран̣ааяа, д̇асса хзд̇усса д̇асса бажжаяасса убарамаа ж̇аанаад̇и ‘на мз д̇хан̃н̃ааг̇аарам̣ барибуурзссад̇ий’’’д̇и. ‘‘звамзва ко, махаарааж̇а, яо хзд̇у яо бажжаяо бадисанд̣̇аханааяа, д̇асса хзд̇усса д̇асса бажжаяасса убарамаа ж̇аанаад̇и со ‘на бадисанд̣̇ахиссаамий’д̇и.
‘‘Opammaṃ karohī’’ti. ‘‘Yathā, mahārāja, kassako gahapatiko kasitvā ca vapitvā ca dhaññāgāraṃ paripūreyya. So aparena samayena neva kasseyya na vappeyya, yathāsambhatañca dhaññaṃ paribhuñjeyya vā visajjeyya vā yathā paccayaṃ vā kareyya, jāneyya so, mahārāja, kassako gahapatiko ‘na me dhaññāgāraṃ paripūressatī’ti? ‘‘Āma, bhante, jāneyyā’’ti. ‘‘Kathaṃ jāneyyā’’ti? ‘‘Yo hetu yo paccayo dhaññāgārassa paripūraṇāya, tassa hetussa tassa paccayassa uparamā jānāti ‘na me dhaññāgāraṃ paripūressatī’’’ti. ‘‘Evameva kho, mahārāja, yo hetu yo paccayo paṭisandahanāya, tassa hetussa tassa paccayassa uparamā jānāti so ‘na paṭisandahissāmī’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
бадисанд̣̇аханабан̃хо д̣̇уд̇ияо.
Paṭisandahanapañho dutiyo.
