| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༨. པཊིསམྦྷིདཱཝཱརོ
8. Paṭisambhidāvāro
༣༧. ‘‘‘ཡཱཝཏཱ ཨཏྠཔཊིསམྦྷིདཱཡ ཨཏྠཔཊིསམྦྷིདཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ ཨཏྠཔཊིསམྦྷིདཊྛོ ནཏྠཱི’ཏི – ཙཀྑུཾ ཨུདཔཱདི…པེ॰… ཨཱལོཀོ ཨུདཔཱདི’’། ཨཏྠཔཊིསམྦྷིདཱཡ ཨཏྠཔཊིསམྦྷིདཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
37. ‘‘‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti – cakkhuṃ udapādi…pe… āloko udapādi’’. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘ཡཱཝཏཱ དྷམྨཔཊིསམྦྷིདཱཡ དྷམྨཔཊིསམྦྷིདཊྛོ…པེ॰… ཡཱཝཏཱ ནིརུཏྟིཔཊིསམྦྷིདཱཡ ནིརུཏྟིཔཊིསམྦྷིདཊྛོ…པེ॰… ཡཱཝཏཱ པཊིབྷཱནཔཊིསམྦྷིདཱཡ པཊིབྷཱནཔཊིསམྦྷིདཊྛོ, ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ པཊིབྷཱནཔཊིསམྦྷིདཊྛོ ནཏྠཱི’ཏི – ཙཀྑུཾ ཨུདཔཱདི …པེ॰… ཨཱལོཀོ ཨུདཔཱདི’’། པཊིབྷཱནཔཊིསམྦྷིདཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
‘‘‘Yāvatā dhammapaṭisambhidāya dhammapaṭisambhidaṭṭho…pe… yāvatā niruttipaṭisambhidāya niruttipaṭisambhidaṭṭho…pe… yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya paṭibhānapaṭisambhidaṭṭho natthī’ti – cakkhuṃ udapādi …pe… āloko udapādi’’. Paṭibhānapaṭisambhidaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ཙཏཱུསུ པཊིསམྦྷིདཱསུ སཏཾ དྷམྨཱ, སཏཾ ཨཏྠཱ, དྭེ ནིརུཏྟིསཏཱནི, ཙཏྟཱརི ཉཱཎསཏཱནི།
Catūsu paṭisambhidāsu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༤-༨. སཏྟབོདྷིསཏྟཝཱརཱདིཝཎྞནཱ • 4-8. Sattabodhisattavārādivaṇṇanā
