| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६-७. पटिसम्भिदाप्पत्तसुत्तादिवण्णना
6-7. Paṭisambhidāppattasuttādivaṇṇanā
८६-८७. छट्ठे पटिसम्भिदासु यं वत्तब्बं, तं हेट्ठा वुत्तमेव। उच्चावचानीति उच्चनीचानि। तेनाह ‘‘महन्तखुद्दकानी’’ति। किंकरणीयानीति ‘‘किं करोमी’’ति एवं वत्वा कत्तब्बकम्मानि। तत्थ उच्चकम्मानि नाम चीवरस्स करणं, रजनं, चेतिये सुधाकम्मं, उपोसथागारचेतियघरबोधिघरेसु कत्तब्बकम्मन्ति एवमादि। अवचकम्मं नाम पादधोवनमक्खनादि खुद्दककम्मं। तत्रुपायासाति तत्रुपगमनिया, तत्र तत्र महन्ते खुद्दके च कम्मे साधनवसेन उपगच्छन्तियाति अत्थो। तस्स तस्स कम्मस्स निप्फादने समत्थायाति वुत्तं होति। तत्रुपायायाति वा तत्र तत्र कम्मे साधेतब्बे उपायभूताय। अलं कातुन्ति कातुं समत्थो होति। अलं संविधातुन्ति विचारेतुं समत्थो। सत्तमं उत्तानमेव।
86-87. Chaṭṭhe paṭisambhidāsu yaṃ vattabbaṃ, taṃ heṭṭhā vuttameva. Uccāvacānīti uccanīcāni. Tenāha ‘‘mahantakhuddakānī’’ti. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammāni nāma cīvarassa karaṇaṃ, rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādi khuddakakammaṃ. Tatrupāyāsāti tatrupagamaniyā, tatra tatra mahante khuddake ca kamme sādhanavasena upagacchantiyāti attho. Tassa tassa kammassa nipphādane samatthāyāti vuttaṃ hoti. Tatrupāyāyāti vā tatra tatra kamme sādhetabbe upāyabhūtāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho. Sattamaṃ uttānameva.
पटिसम्भिदाप्पत्तसुत्तादिवण्णना निट्ठिता।
Paṭisambhidāppattasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
६. पटिसम्भिदापत्तसुत्तं • 6. Paṭisambhidāpattasuttaṃ
७. सीलवन्तसुत्तं • 7. Sīlavantasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
६. पटिसम्भिदाप्पत्तसुत्तवण्णना • 6. Paṭisambhidāppattasuttavaṇṇanā
७. सीलवन्तसुत्तवण्णना • 7. Sīlavantasuttavaṇṇanā
