| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೫. ಪಞ್ಚಮವಗ್ಗೋ
5. Pañcamavaggo
(೪೭) ೫. ಪಟಿಸಮ್ಭಿದಾಕಥಾ
(47) 5. Paṭisambhidākathā
೪೩೨. ಸಬ್ಬಂ ಞಾಣಂ ಪಟಿಸಮ್ಭಿದಾತಿ? ಆಮನ್ತಾ। ಸಮ್ಮುತಿಞಾಣಂ ಪಟಿಸಮ್ಭಿದಾತಿ ? ನ ಹೇವಂ ವತ್ತಬ್ಬೇ…ಪೇ॰… ಸಮ್ಮುತಿಞಾಣಂ ಪಟಿಸಮ್ಭಿದಾತಿ? ಆಮನ್ತಾ। ಯೇ ಕೇಚಿ ಸಮ್ಮುತಿಂ ಜಾನನ್ತಿ, ಸಬ್ಬೇ ತೇ ಪಟಿಸಮ್ಭಿದಾಪತ್ತಾತಿ? ನ ಹೇವಂ ವತ್ತಬ್ಬೇ…ಪೇ॰… ಸಬ್ಬಂ ಞಾಣಂ ಪಟಿಸಮ್ಭಿದಾತಿ? ಆಮನ್ತಾ। ಚೇತೋಪರಿಯಾಯೇ ಞಾಣಂ ಪಟಿಸಮ್ಭಿದಾತಿ? ನ ಹೇವಂ ವತ್ತಬ್ಬೇ…ಪೇ॰… ಚೇತೋಪರಿಯಾಯೇ ಞಾಣಂ ಪಟಿಸಮ್ಭಿದಾತಿ? ಆಮನ್ತಾ। ಯೇ ಕೇಚಿ ಪರಚಿತ್ತಂ ಜಾನನ್ತಿ, ಸಬ್ಬೇ ತೇ ಪಟಿಸಮ್ಭಿದಾಪತ್ತಾತಿ? ನ ಹೇವಂ ವತ್ತಬ್ಬೇ…ಪೇ॰…।
432. Sabbaṃ ñāṇaṃ paṭisambhidāti? Āmantā. Sammutiñāṇaṃ paṭisambhidāti ? Na hevaṃ vattabbe…pe… sammutiñāṇaṃ paṭisambhidāti? Āmantā. Ye keci sammutiṃ jānanti, sabbe te paṭisambhidāpattāti? Na hevaṃ vattabbe…pe… sabbaṃ ñāṇaṃ paṭisambhidāti? Āmantā. Cetopariyāye ñāṇaṃ paṭisambhidāti? Na hevaṃ vattabbe…pe… cetopariyāye ñāṇaṃ paṭisambhidāti? Āmantā. Ye keci paracittaṃ jānanti, sabbe te paṭisambhidāpattāti? Na hevaṃ vattabbe…pe….
ಸಬ್ಬಂ ಞಾಣಂ ಪಟಿಸಮ್ಭಿದಾತಿ? ಆಮನ್ತಾ। ಸಬ್ಬಾ ಪಞ್ಞಾ ಪಟಿಸಮ್ಭಿದಾತಿ? ನ ಹೇವಂ ವತ್ತಬ್ಬೇ…ಪೇ॰… ಸಬ್ಬಾ ಪಞ್ಞಾ ಪಟಿಸಮ್ಭಿದಾತಿ? ಆಮನ್ತಾ। ಪಥವೀಕಸಿಣಂ ಸಮಾಪತ್ತಿಂ ಸಮಾಪನ್ನಸ್ಸ ಅತ್ಥಿ ಪಞ್ಞಾ, ಸಾ ಪಞ್ಞಾ ಪಟಿಸಮ್ಭಿದಾತಿ? ನ ಹೇವಂ ವತ್ತಬ್ಬೇ…ಪೇ॰… ಆಪೋಕಸಿಣಂ…ಪೇ॰… ತೇಜೋಕಸಿಣಂ…ಪೇ॰… ವಾಯೋಕಸಿಣಂ…ಪೇ॰… ನೀಲಕಸಿಣಂ…ಪೇ॰… ಪೀತಕಸಿಣಂ…ಪೇ॰… ಲೋಹಿತಕಸಿಣಂ…ಪೇ॰… ಓದಾತಕಸಿಣಂ…ಪೇ॰… ಆಕಾಸಾನಞ್ಚಾಯತನಂ…ಪೇ॰… ವಿಞ್ಞಾಣಞ್ಚಾಯತನಂ…ಪೇ॰… ಆಕಿಞ್ಚಞ್ಞಾಯತನಂ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಸಮಾಪನ್ನಸ್ಸ…ಪೇ॰… ದಾನಂ ದದನ್ತಸ್ಸ…ಪೇ॰… ಚೀವರಂ ದದನ್ತಸ್ಸ…ಪೇ॰… ಪಿಣ್ಡಪಾತಂ ದದನ್ತಸ್ಸ…ಪೇ॰… ಸೇನಾಸನಂ ದದನ್ತಸ್ಸ…ಪೇ॰… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಂ ದದನ್ತಸ್ಸ ಅತ್ಥಿ ಪಞ್ಞಾ, ಸಾ ಪಞ್ಞಾ ಪಟಿಸಮ್ಭಿದಾತಿ? ನ ಹೇವಂ ವತ್ತಬ್ಬೇ…ಪೇ॰…।
Sabbaṃ ñāṇaṃ paṭisambhidāti? Āmantā. Sabbā paññā paṭisambhidāti? Na hevaṃ vattabbe…pe… sabbā paññā paṭisambhidāti? Āmantā. Pathavīkasiṇaṃ samāpattiṃ samāpannassa atthi paññā, sā paññā paṭisambhidāti? Na hevaṃ vattabbe…pe… āpokasiṇaṃ…pe… tejokasiṇaṃ…pe… vāyokasiṇaṃ…pe… nīlakasiṇaṃ…pe… pītakasiṇaṃ…pe… lohitakasiṇaṃ…pe… odātakasiṇaṃ…pe… ākāsānañcāyatanaṃ…pe… viññāṇañcāyatanaṃ…pe… ākiñcaññāyatanaṃ…pe… nevasaññānāsaññāyatanaṃ samāpannassa…pe… dānaṃ dadantassa…pe… cīvaraṃ dadantassa…pe… piṇḍapātaṃ dadantassa…pe… senāsanaṃ dadantassa…pe… gilānapaccayabhesajjaparikkhāraṃ dadantassa atthi paññā, sā paññā paṭisambhidāti? Na hevaṃ vattabbe…pe….
೪೩೩. ನ ವತ್ತಬ್ಬಂ – ‘‘ಸಬ್ಬಂ ಞಾಣಂ ಪಟಿಸಮ್ಭಿದಾ’’ತಿ? ಆಮನ್ತಾ। ಅತ್ಥಿ ಲೋಕುತ್ತರಾ ಪಞ್ಞಾ, ಸಾ ಪಞ್ಞಾ ನ ಪಟಿಸಮ್ಭಿದಾತಿ? ನ ಹೇವಂ ವತ್ತಬ್ಬೇ…ಪೇ॰… ತೇನ ಹಿ ಸಬ್ಬಂ ಞಾಣಂ ಪಟಿಸಮ್ಭಿದಾತಿ।
433. Na vattabbaṃ – ‘‘sabbaṃ ñāṇaṃ paṭisambhidā’’ti? Āmantā. Atthi lokuttarā paññā, sā paññā na paṭisambhidāti? Na hevaṃ vattabbe…pe… tena hi sabbaṃ ñāṇaṃ paṭisambhidāti.
ಪಟಿಸಮ್ಭಿದಾಕಥಾ ನಿಟ್ಠಿತಾ।
Paṭisambhidākathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ಪಟಿಸಮ್ಭಿದಾಕಥಾವಣ್ಣನಾ • 5. Paṭisambhidākathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೫. ಪಟಿಸಮ್ಭಿದಾಕಥಾವಣ್ಣನಾ • 5. Paṭisambhidākathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೫. ಪಟಿಸಮ್ಭಿದಾಕಥಾವಣ್ಣನಾ • 5. Paṭisambhidākathāvaṇṇanā
