| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
८. पटिसल्लानसुत्तं
8. Paṭisallānasuttaṃ
४५. वुत्तञ्हेतं भगवता, वुत्तमरहताति मे सुतं –
45. Vuttañhetaṃ bhagavatā, vuttamarahatāti me sutaṃ –
‘‘पटिसल्लानारामा 1, भिक्खवे, विहरथ पटिसल्लानरता, अज्झत्तं चेतोसमथमनुयुत्ता, अनिराकतज्झाना, विपस्सनाय समन्नागता, ब्रूहेता सुञ्ञागारानं । पटिसल्लानारामानं, भिक्खवे, विहरतं पटिसल्लानरतानं अज्झत्तं चेतोसमथमनुयुत्तानं अनिराकतमज्झानानं विपस्सनाय समन्नागतानं ब्रूहेतानं सुञ्ञागारानं द्विन्नं फलानं अञ्ञतरं फलं पाटिकङ्खं – दिट्ठेव धम्मे अञ्ञा, सति वा उपादिसेसे अनागामिता’’ति। एतमत्थं भगवा अवोच। तत्थेतं इति वुच्चति –
‘‘Paṭisallānārāmā 2, bhikkhave, viharatha paṭisallānaratā, ajjhattaṃ cetosamathamanuyuttā, anirākatajjhānā, vipassanāya samannāgatā, brūhetā suññāgārānaṃ . Paṭisallānārāmānaṃ, bhikkhave, viharataṃ paṭisallānaratānaṃ ajjhattaṃ cetosamathamanuyuttānaṃ anirākatamajjhānānaṃ vipassanāya samannāgatānaṃ brūhetānaṃ suññāgārānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
सम्मा धम्मं विपस्सन्ति, कामेसु अनपेक्खिनो॥
Sammā dhammaṃ vipassanti, kāmesu anapekkhino.
‘‘अप्पमादरता सन्ता, पमादे भयदस्सिनो।
‘‘Appamādaratā santā, pamāde bhayadassino;
अभब्बा परिहानाय, निब्बानस्सेव सन्तिके’’ति॥
Abhabbā parihānāya, nibbānasseva santike’’ti.
अयम्पि अत्थो वुत्तो भगवता, इति मे सुतन्ति। अट्ठमं।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ८. पटिसल्लानसुत्तवण्णना • 8. Paṭisallānasuttavaṇṇanā
