| Library / Tipiṭaka / திபிடக • Tipiṭaka / இதிவுத்தகபாளி • Itivuttakapāḷi |
8. படிஸல்லானஸுத்தங்
8. Paṭisallānasuttaṃ
45. வுத்தஞ்ஹேதங் ப⁴க³வதா, வுத்தமரஹதாதி மே ஸுதங் –
45. Vuttañhetaṃ bhagavatā, vuttamarahatāti me sutaṃ –
‘‘படிஸல்லானாராமா 1, பி⁴க்க²வே, விஹரத² படிஸல்லானரதா, அஜ்ஜ²த்தங் சேதோஸமத²மனுயுத்தா, அனிராகதஜ்ஜா²னா, விபஸ்ஸனாய ஸமன்னாக³தா, ப்³ரூஹேதா ஸுஞ்ஞாகா³ரானங் . படிஸல்லானாராமானங், பி⁴க்க²வே, விஹரதங் படிஸல்லானரதானங் அஜ்ஜ²த்தங் சேதோஸமத²மனுயுத்தானங் அனிராகதமஜ்ஜா²னானங் விபஸ்ஸனாய ஸமன்னாக³தானங் ப்³ரூஹேதானங் ஸுஞ்ஞாகா³ரானங் த்³வின்னங் ப²லானங் அஞ்ஞதரங் ப²லங் பாடிகங்க²ங் – தி³ட்டே²வ த⁴ம்மே அஞ்ஞா, ஸதி வா உபாதி³ஸேஸே அனாகா³மிதா’’தி. ஏதமத்த²ங் ப⁴க³வா அவோச. தத்தே²தங் இதி வுச்சதி –
‘‘Paṭisallānārāmā 2, bhikkhave, viharatha paṭisallānaratā, ajjhattaṃ cetosamathamanuyuttā, anirākatajjhānā, vipassanāya samannāgatā, brūhetā suññāgārānaṃ . Paṭisallānārāmānaṃ, bhikkhave, viharataṃ paṭisallānaratānaṃ ajjhattaṃ cetosamathamanuyuttānaṃ anirākatamajjhānānaṃ vipassanāya samannāgatānaṃ brūhetānaṃ suññāgārānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
ஸம்மா த⁴ம்மங் விபஸ்ஸந்தி, காமேஸு அனபெக்கி²னோ.
Sammā dhammaṃ vipassanti, kāmesu anapekkhino.
‘‘அப்பமாத³ரதா ஸந்தா, பமாதே³ ப⁴யத³ஸ்ஸினோ;
‘‘Appamādaratā santā, pamāde bhayadassino;
அப⁴ப்³பா³ பரிஹானாய, நிப்³பா³னஸ்ஸேவ ஸந்திகே’’தி.
Abhabbā parihānāya, nibbānasseva santike’’ti.
அயம்பி அத்தோ² வுத்தோ ப⁴க³வதா, இதி மே ஸுதந்தி. அட்ட²மங்.
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / இதிவுத்தக-அட்ட²கதா² • Itivuttaka-aṭṭhakathā / 8. படிஸல்லானஸுத்தவண்ணனா • 8. Paṭisallānasuttavaṇṇanā
