| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. പതിരൂപകഥാവണ്ണനാ
8. Patirūpakathāvaṇṇanā
൯൧൫-൯൧൬. ഇദാനി രാഗപതിരൂപകഥാ നാമ ഹോതി. തത്ഥ മേത്താകരുണാമുദിതായോ സന്ധായ ‘‘ന രാഗോ രാഗപതിരൂപകോ’’തി ച ഇസ്സാമച്ഛരിയകുക്കുച്ചാനി സന്ധായ ‘‘ന ദോസോ ദോസപതിരൂപകോ’’തി ച ഹസിതുപ്പാദം സന്ധായ ‘‘ന മോഹോ മോഹപതിരൂപകോ’’തി ച ദുമ്മങ്കൂനം പുഗ്ഗലാനം നിഗ്ഗഹം പേസലാനം ഭിക്ഖൂനം അനുഗ്ഗഹം പാപഗരഹിതം കല്യാണപസംസം ആയസ്മതോ പിലിന്ദവച്ഛസ്സ വസലവാദം ഭഗവതോ ഖേളാസകവാദം മോഘപുരിസവാദഞ്ച സന്ധായ ‘‘ന കിലേസോ കിലേസപതിരൂപകോ’’തി ച യേസം ലദ്ധി, സേയ്യഥാപി അന്ധകാനം; തേ സന്ധായ സബ്ബകഥാസു പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം യസ്മാ ഫസ്സാദിപതിരൂപകാ നഫസ്സാദയോ നാമ നത്ഥി, തസ്മാ രാഗാദിപതിരൂപകാ നരാഗാദയോപി നത്ഥീതി ചോദേതും അത്ഥി ന ഫസ്സോതിആദിമാഹ . ഇതരോ തേസം അഭാവാ പടിക്ഖിപതി. സേസം സബ്ബത്ഥ ഉത്താനത്ഥമേവാതി.
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
പതിരൂപകഥാവണ്ണനാ.
Patirūpakathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൨൫) ൮. പതിരൂപകഥാ • (225) 8. Patirūpakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. പതിരൂപകഥാവണ്ണനാ • 8. Patirūpakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൮. പതിരൂപകഥാവണ്ണനാ • 8. Patirūpakathāvaṇṇanā
