| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၈. ပတိရူပကထာဝဏ္ဏနာ
8. Patirūpakathāvaṇṇanā
၉၁၅-၉၁၆. မေတ္တာဒယော ဝိယာတိ ယထာ မေတ္တာ ကရုဏာ မုဒိတာ စ သိနေဟသဘာဝာပိ အရဉ္ဇနသဘာဝတ္တာ အသံကိလိဋ္ဌတ္တာ စ န ရာဂော, ဧဝံ ရာဂပတိရူပကော ကောစိ ဓမ္မော နတ္ထိ ဌပေတ္ဝာ မေတ္တာဒယော, အညစိတ္တသ္သ သိနိယ္ဟနာကာရော ရာဂသ္သေဝ ပဝတ္တိအာကာရောတိ အတ္ထော။ တေနေဝာဟ ‘‘ရာဂမေဝ ဂဏ္ဟာတီ’’တိ။ ဧဝံ ဒောသေပီတိ ဧတ္ထ ဣသ္သာဒယော ဝိယ န ဒောသော ဒောသပတိရူပကော ကောစိ အတ္ထီတိ ဒောသမေဝ ဂဏ္ဟာတီတိ ယောဇေတဗ္ဗံ။ ဌပေတ္ဝာ ဟိ ဣသ္သာဒယော အညစိတ္တသ္သ ဒုသ္သနာကာရော ဒောသသ္သေဝ ပဝတ္တိအာကာရောတိ။
915-916. Mettādayo viyāti yathā mettā karuṇā muditā ca sinehasabhāvāpi arañjanasabhāvattā asaṃkiliṭṭhattā ca na rāgo, evaṃ rāgapatirūpako koci dhammo natthi ṭhapetvā mettādayo, aññacittassa siniyhanākāro rāgasseva pavattiākāroti attho. Tenevāha ‘‘rāgameva gaṇhātī’’ti. Evaṃ dosepīti ettha issādayo viya na doso dosapatirūpako koci atthīti dosameva gaṇhātīti yojetabbaṃ. Ṭhapetvā hi issādayo aññacittassa dussanākāro dosasseva pavattiākāroti.
ပတိရူပကထာဝဏ္ဏနာ နိဋ္ဌိတာ။
Patirūpakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၂၅) ၈. ပတိရူပကထာ • (225) 8. Patirūpakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၈. ပတိရူပကထာဝဏ္ဏနာ • 8. Patirūpakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. ပတိရူပကထာဝဏ္ဏနာ • 8. Patirūpakathāvaṇṇanā
