| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. પટિપદાસુત્તવણ્ણના
2. Paṭipadāsuttavaṇṇanā
૪૪. દુતિયે દુક્ખસમુદયગામિની સમનુપસ્સનાતિ યસ્મા સક્કાયો દુક્ખં, તસ્સ ચ સમુદયગામિની પટિપદા નામ ‘‘રૂપં અત્તતો સમનુપસ્સતી’’તિ એવં દિટ્ઠિસમનુપસ્સના વુત્તા, તસ્મા દુક્ખસમુદયગામિની સમનુપસ્સનાતિ અયમેત્થ અત્થો હોતિ. દુક્ખનિરોધગામિની સમનુપસ્સનાતિ એત્થ સહ વિપસ્સનાય ચતુમગ્ગઞાણં ‘‘સમનુપસ્સના’’તિ વુત્તં. ઇતિ ઇમસ્મિં સુત્તે વટ્ટવિવટ્ટં કથિતં. દુતિયં.
44. Dutiye dukkhasamudayagāminī samanupassanāti yasmā sakkāyo dukkhaṃ, tassa ca samudayagāminī paṭipadā nāma ‘‘rūpaṃ attato samanupassatī’’ti evaṃ diṭṭhisamanupassanā vuttā, tasmā dukkhasamudayagāminī samanupassanāti ayamettha attho hoti. Dukkhanirodhagāminī samanupassanāti ettha saha vipassanāya catumaggañāṇaṃ ‘‘samanupassanā’’ti vuttaṃ. Iti imasmiṃ sutte vaṭṭavivaṭṭaṃ kathitaṃ. Dutiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. પટિપદાસુત્તં • 2. Paṭipadāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨. પટિપદાસુત્તવણ્ણના • 2. Paṭipadāsuttavaṇṇanā
