| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā |
པཊིཔདཱཙཏུཀྐཱདིཝཎྞནཱ
Paṭipadācatukkādivaṇṇanā
༡༧༦-༡༨༠. ཏདནུརཱུཔཏཱཏི ཏསྶ པཋམཱདིཛ྄ཛྷཱནསྶ ཨནུརཱུཔསབྷཱཝཱ། ཡཐཱལདྡྷཛ྄ཛྷཱནཾ སནྟཏོ པཎཱིཏཏོ དིསྭཱ ཨསྶཱདཡམཱནཱ ནིཀནྟི ཏཾསམྤཡུཏྟཱ ཁནྡྷཱ ཝཱ ཏདཱརཀྑབྷཱུཏཱ སཏིཡེཝ ཝཱ ཏསྶ ཛྷཱནསྶ ཨནུཙྪཝིཀཏཱཡ ‘‘ཏདནུདྷམྨཏཱ སཏཱི’’ཏི ཝུཏྟཱཏི། ཀདཱཙཱིཏི ཡདཱ པཋམཾ ཨདྷིགནྟྭཱ ཡཐཱནིསིནྣོཡེཝ ཝིནཱ པཡོགནྟརཾ དུཏིཡཱདཱིནི ཨདྷིགཙྪཏི, ཨཱིདིསེ ཀཱལེཏི ཨཏྠོ།
176-180. Tadanurūpatāti tassa paṭhamādijjhānassa anurūpasabhāvā. Yathāladdhajjhānaṃ santato paṇītato disvā assādayamānā nikanti taṃsampayuttā khandhā vā tadārakkhabhūtā satiyeva vā tassa jhānassa anucchavikatāya ‘‘tadanudhammatā satī’’ti vuttāti. Kadācīti yadā paṭhamaṃ adhigantvā yathānisinnoyeva vinā payogantaraṃ dutiyādīni adhigacchati, īdise kāleti attho.
༡༨༦. ཀུསལཛ྄ཛྷཱནསྶ ཨདྷིགཏཏྟཱ ‘‘སེཀྑཱ’’ཏི ཝུཏྟཾ། ན ཧི ཏེ ཨུཔྤཱདེནྟི ནཱམཱཏི ཨརིཡམགྒཀྑཎེ རཱུཔཱཝཙརཛ྄ཛྷཱནཱནཾ ཨནུཔྤཛྫམཱནཏཾ སནྡྷཱཡཱཧ།
186. Kusalajjhānassa adhigatattā ‘‘sekkhā’’ti vuttaṃ. Na hi te uppādenti nāmāti ariyamaggakkhaṇe rūpāvacarajjhānānaṃ anuppajjamānataṃ sandhāyāha.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / རཱུཔཱཝཙརཀུསལཾ • Rūpāvacarakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā
པཊིཔདཱཙཏུཀྐཾ • Paṭipadācatukkaṃ
ཨཱརམྨཎཔཊིཔདཱམིསྶཀཾ • Ārammaṇapaṭipadāmissakaṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā
པཊིཔདཱཙཏུཀྐཝཎྞནཱ • Paṭipadācatukkavaṇṇanā
ཨཱརམྨཎཔཊིཔདཱམིསྶཀཝཎྞནཱ • Ārammaṇapaṭipadāmissakavaṇṇanā
