| Library / Tipiṭaka / တိပိဋက • Tipiṭaka / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā |
ပဋိပဒာစတုက္ကာဒိဝဏ္ဏနာ
Paṭipadācatukkādivaṇṇanā
၁၇၆-၁၈၀. တဒနုရူပတာတိ တသ္သ ပဌမာဒိဇ္ဈာနသ္သ အနုရူပသဘာဝာ။ ယထာလဒ္ဓဇ္ဈာနံ သန္တတော ပဏီတတော ဒိသ္ဝာ အသ္သာဒယမာနာ နိကန္တိ တံသမ္ပယုတ္တာ ခန္ဓာ ဝာ တဒာရက္ခဘူတာ သတိယေဝ ဝာ တသ္သ ဈာနသ္သ အနုစ္ဆဝိကတာယ ‘‘တဒနုဓမ္မတာ သတီ’’တိ ဝုတ္တာတိ။ ကဒာစီတိ ယဒာ ပဌမံ အဓိဂန္တ္ဝာ ယထာနိသိန္နောယေဝ ဝိနာ ပယောဂန္တရံ ဒုတိယာဒီနိ အဓိဂစ္ဆတိ, ဤဒိသေ ကာလေတိ အတ္ထော။
176-180. Tadanurūpatāti tassa paṭhamādijjhānassa anurūpasabhāvā. Yathāladdhajjhānaṃ santato paṇītato disvā assādayamānā nikanti taṃsampayuttā khandhā vā tadārakkhabhūtā satiyeva vā tassa jhānassa anucchavikatāya ‘‘tadanudhammatā satī’’ti vuttāti. Kadācīti yadā paṭhamaṃ adhigantvā yathānisinnoyeva vinā payogantaraṃ dutiyādīni adhigacchati, īdise kāleti attho.
၁၈၆. ကုသလဇ္ဈာနသ္သ အဓိဂတတ္တာ ‘‘သေက္ခာ’’တိ ဝုတ္တံ။ န ဟိ တေ ဥပ္ပာဒေန္တိ နာမာတိ အရိယမဂ္ဂက္ခဏေ ရူပာဝစရဇ္ဈာနာနံ အနုပ္ပဇ္ဇမာနတံ သန္ဓာယာဟ။
186. Kusalajjhānassa adhigatattā ‘‘sekkhā’’ti vuttaṃ. Na hi te uppādenti nāmāti ariyamaggakkhaṇe rūpāvacarajjhānānaṃ anuppajjamānataṃ sandhāyāha.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / ရူပာဝစရကုသလံ • Rūpāvacarakusalaṃ
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā
ပဋိပဒာစတုက္ကံ • Paṭipadācatukkaṃ
အာရမ္မဏပဋိပဒာမိသ္သကံ • Ārammaṇapaṭipadāmissakaṃ
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā
ပဋိပဒာစတုက္ကဝဏ္ဏနာ • Paṭipadācatukkavaṇṇanā
အာရမ္မဏပဋိပဒာမိသ္သကဝဏ္ဏနာ • Ārammaṇapaṭipadāmissakavaṇṇanā
