| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
൫. പാടിദേസനീയകണ്ഡം (ഭിക്ഖുനീവിഭങ്ഗവണ്ണനാ)
5. Pāṭidesanīyakaṇḍaṃ (bhikkhunīvibhaṅgavaṇṇanā)
പാടിദേസനീയസിക്ഖാപദവണ്ണനാ
Pāṭidesanīyasikkhāpadavaṇṇanā
൧൨൨൮. പാടിദേസനീയാ നാമ യേ അട്ഠ ധമ്മാ സങ്ഖേപേനേവ സങ്ഗഹം ആരുള്ഹാതി സമ്ബന്ധോ. പാളിവിനിമുത്തകേസൂതി പാളിയം അനാഗതേസു സപ്പിആദീസു.
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
പാടിദേസനീയസിക്ഖാപദവണ്ണനാ നിട്ഠിതാ.
Pāṭidesanīyasikkhāpadavaṇṇanā niṭṭhitā.
പാടിദേസനീയകണ്ഡം നിട്ഠിതം.
Pāṭidesanīyakaṇḍaṃ niṭṭhitaṃ.
യേ പന പഞ്ചസത്തതി സേഖിയാ ധമ്മാ ഉദ്ദിട്ഠാ, യേ ച തേസം അനന്തരാ സത്താധികരണവ്ഹയാ ധമ്മാ ഉദ്ദിട്ഠാതി സമ്ബന്ധോ. തത്ഥ തേസന്തി തേസം സേഖിയാനം. സത്താധികരണവ്ഹയാതി സത്താധികരണസമഥസങ്ഖാതാ. തം അത്ഥവിനിച്ഛയം താദിസംയേവ യസ്മാ വിദൂ വദന്തീതി അത്ഥോ.
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
യഥാ നിട്ഠിതാതി സമ്ബന്ധോ. സബ്ബാസവപഹം മഗ്ഗന്തി സബ്ബാസവവിഘാതകം അരഹത്തമഗ്ഗം പത്വാ സസന്താനേ ഉപ്പാദേത്വാ. പസ്സന്തു നിബ്ബുതിന്തി മഗ്ഗഞാണലോചനേന നിബ്ബാനം സച്ഛികരോന്തു, പപ്പോന്തൂതി വാ പാഠോ. തത്ഥ നിബ്ബുതിന്തി ഖന്ധപരിനിബ്ബാനം ഗഹേതബ്ബം.
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ഇതി സമന്തപാസാദികായ വിനയട്ഠകഥായ സാരത്ഥദീപനിയം.
Iti samantapāsādikāya vinayaṭṭhakathāya sāratthadīpaniyaṃ.
ഭിക്ഖുനീവിഭങ്ഗവണ്ണനാ നിട്ഠിതാ.
Bhikkhunīvibhaṅgavaṇṇanā niṭṭhitā.
ഉഭതോവിഭങ്ഗട്ഠകഥാവണ്ണനാ നിട്ഠിതാ.
Ubhatovibhaṅgaṭṭhakathāvaṇṇanā niṭṭhitā.
പാചിത്തിയവണ്ണനാ നിട്ഠിതാ.
Pācittiyavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൧. പഠമപാടിദേസനീയസിക്ഖാപദം • 1. Paṭhamapāṭidesanīyasikkhāpadaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā / പാടിദേസനീയസിക്ഖാപദവണ്ണനാ • Pāṭidesanīyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / പാടിദേസനീയസിക്ഖാപദവണ്ണനാ • Pāṭidesanīyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൫. പാടിദേസനീയസിക്ഖാപദ-അത്ഥയോജനാ • 5. Pāṭidesanīyasikkhāpada-atthayojanā
