| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
5. பாடிதே³ஸனீயகண்ட³ங் (பி⁴க்கு²னீவிப⁴ங்க³வண்ணனா)
5. Pāṭidesanīyakaṇḍaṃ (bhikkhunīvibhaṅgavaṇṇanā)
பாடிதே³ஸனீயஸிக்கா²பத³வண்ணனா
Pāṭidesanīyasikkhāpadavaṇṇanā
பாடிதே³ஸனீயா நாம, கு²த்³த³கானங் அனந்தரா;
Pāṭidesanīyā nāma, khuddakānaṃ anantarā;
யே த⁴ம்மா அட்ட² ஆருள்ஹா, ஸங்கே²பேனேவ ஸங்க³ஹங்;
Ye dhammā aṭṭha āruḷhā, saṅkhepeneva saṅgahaṃ;
தேஸங் பவத்ததே ஏஸா, ஸங்கே²பேனேவ வண்ணனா.
Tesaṃ pavattate esā, saṅkhepeneva vaṇṇanā.
1228. யானி ஹி எத்த² பாளியங் ஸப்பிதேலாதீ³னி நித்³தி³ட்டா²னி, தானியேவ விஞ்ஞாபெத்வா பு⁴ஞ்ஜந்தியா பாடிதே³ஸனீயா. பாளிவினிமுத்தகேஸு பன ஸப்³பே³ஸு து³க்கடங். ஸேஸமெத்த² உத்தானமேவ. அட்ட²வித⁴ம்பி பனேதங் பாடிதே³ஸனீயங் சதுஸமுட்டா²னங் – காயதோ காயவாசதோ காயசித்ததோ காயவாசாசித்ததோ ச ஸமுட்டா²தி, கிரியங் நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
1228. Yāni hi ettha pāḷiyaṃ sappitelādīni niddiṭṭhāni, tāniyeva viññāpetvā bhuñjantiyā pāṭidesanīyā. Pāḷivinimuttakesu pana sabbesu dukkaṭaṃ. Sesamettha uttānameva. Aṭṭhavidhampi panetaṃ pāṭidesanīyaṃ catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
பாடிதே³ஸனீயவண்ணனா நிட்டி²தா.
Pāṭidesanīyavaṇṇanā niṭṭhitā.
பாடிதே³ஸனீயகண்ட³ங் நிட்டி²தங்.
Pāṭidesanīyakaṇḍaṃ niṭṭhitaṃ.
ஸேகி²யா பன உத்³தி³ட்டா², யே த⁴ம்மா பஞ்சஸத்ததி;
Sekhiyā pana uddiṭṭhā, ye dhammā pañcasattati;
தேஸங் அனந்தராயேவ, ஸத்தாதி⁴கரணவ்ஹயா.
Tesaṃ anantarāyeva, sattādhikaraṇavhayā.
மஹாவிப⁴ங்கே³ யோ வுத்தோ, தேஸங் அத்த²வினிச்ச²யோ;
Mahāvibhaṅge yo vutto, tesaṃ atthavinicchayo;
பி⁴க்கு²னீனங் விப⁴ங்கே³பி, தாதி³ஸங்யேவ தங் விதூ³.
Bhikkhunīnaṃ vibhaṅgepi, tādisaṃyeva taṃ vidū.
யஸ்மா தஸ்மா விஸுங் தேஸங், த⁴ம்மானங் அத்த²வண்ணனா;
Yasmā tasmā visuṃ tesaṃ, dhammānaṃ atthavaṇṇanā;
ந வுத்தா தத்த² யா வுத்தா, வுத்தாயேவ ஹி ஸா இதா⁴தி.
Na vuttā tattha yā vuttā, vuttāyeva hi sā idhāti.
ஸமந்தபாஸாதி³காய வினயஸங்வண்ணனாய
Samantapāsādikāya vinayasaṃvaṇṇanāya
பி⁴க்கு²னீவிப⁴ங்க³வண்ணனா நிட்டி²தா.
Bhikkhunīvibhaṅgavaṇṇanā niṭṭhitā.
ஸப்³பா³ஸவபஹங் ஏஸா, நிட்டி²தா வண்ணனா யதா²;
Sabbāsavapahaṃ esā, niṭṭhitā vaṇṇanā yathā;
ஸப்³பா³ஸவபஹங் மக்³க³ங், பத்வா பஸ்ஸந்து நிப்³பு³திந்தி.
Sabbāsavapahaṃ maggaṃ, patvā passantu nibbutinti.
உப⁴தோவிப⁴ங்க³ட்ட²கதா² நிட்டி²தா.
Ubhatovibhaṅgaṭṭhakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 1. பட²மபாடிதே³ஸனீயஸிக்கா²பத³ங் • 1. Paṭhamapāṭidesanīyasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாடிதே³ஸனீயஸிக்கா²பத³வண்ணனா • Pāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாடிதே³ஸனீயஸிக்கா²பத³வண்ணனா • Pāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. பாடிதே³ஸனீயஸிக்கா²பத³-அத்த²யோஜனா • 5. Pāṭidesanīyasikkhāpada-atthayojanā
