| Library / Tipiṭaka / තිපිටක • Tipiṭaka / කඞ්ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
7-10. පටිබාහනාදිසික්ඛාපදවණ්ණනා
7-10. Paṭibāhanādisikkhāpadavaṇṇanā
ආනිසංසං දස්සෙත්වා පටිබාහන්තියාති ‘‘එකිස්සා එකං සාටකං නප්පහොති, ආගමෙථ තාව, කතිපාහෙන උප්පජ්ජිස්සති, තතො භාජෙස්සාමා’’ති (පාචි. අට්ඨ. 915) එවං ආනිසංසං දස්සෙත්වා පටිබාහන්තියා අනාපත්ති.
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
අට්ඨමනවමානි උත්තානත්ථානෙව.
Aṭṭhamanavamāni uttānatthāneva.
සෙසන්ති ‘‘ධම්මිකෙ වෙමතිකායා’’තිආදිකං අවසෙසං. තත්ථ ආනිසංසං දස්සෙත්වා පටිබාහන්තියාති ‘‘භික්ඛුනිසඞ්ඝො ජිණ්ණචීවරො, කථිනානිසංසමූලකො මහාලාභො’’ති (පාචි. අට්ඨ. 931) එවරූපං ආනිසංසං දස්සෙත්වා පටිබාහන්තියා අනාපත්ති.
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
පටිබාහනාදිසික්ඛාපදවණ්ණනා නිට්ඨිතා.
Paṭibāhanādisikkhāpadavaṇṇanā niṭṭhitā.
නග්ගවග්ගො තතියො.
Naggavaggo tatiyo.
