| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૭-૧૦. પટિબાહનાદિસિક્ખાપદવણ્ણના
7-10. Paṭibāhanādisikkhāpadavaṇṇanā
આનિસંસં દસ્સેત્વા પટિબાહન્તિયાતિ ‘‘એકિસ્સા એકં સાટકં નપ્પહોતિ, આગમેથ તાવ, કતિપાહેન ઉપ્પજ્જિસ્સતિ, તતો ભાજેસ્સામા’’તિ (પાચિ॰ અટ્ઠ॰ ૯૧૫) એવં આનિસંસં દસ્સેત્વા પટિબાહન્તિયા અનાપત્તિ.
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
અટ્ઠમનવમાનિ ઉત્તાનત્થાનેવ.
Aṭṭhamanavamāni uttānatthāneva.
સેસન્તિ ‘‘ધમ્મિકે વેમતિકાયા’’તિઆદિકં અવસેસં. તત્થ આનિસંસં દસ્સેત્વા પટિબાહન્તિયાતિ ‘‘ભિક્ખુનિસઙ્ઘો જિણ્ણચીવરો, કથિનાનિસંસમૂલકો મહાલાભો’’તિ (પાચિ॰ અટ્ઠ॰ ૯૩૧) એવરૂપં આનિસંસં દસ્સેત્વા પટિબાહન્તિયા અનાપત્તિ.
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
પટિબાહનાદિસિક્ખાપદવણ્ણના નિટ્ઠિતા.
Paṭibāhanādisikkhāpadavaṇṇanā niṭṭhitā.
નગ્ગવગ્ગો તતિયો.
Naggavaggo tatiyo.
