| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ပာထေယ္ယသုတ္တဝဏ္ဏနာ
9. Pātheyyasuttavaṇṇanā
၇၉. သဒ္ဓာ ဗန္ဓတိ ပာထေယ္ယန္တိ သဒ္ဓာ နာမ သတ္တသ္သ မရဏဝသေန မဟာပထံ သံဝဇတော မဟာကန္တာရံ ပဋိပဇ္ဇတော မဟာဝိဒုဂ္ဂံ ပက္ခန္ဒတော ပာထေယ္ယပုဋံ ဗန္ဓတိ သမ္ဗလံ သဇ္ဇေတိ။ ကထန္တိ အာဟ ‘‘သဒ္ဓံ ဥပ္ပာဒေတ္ဝာ’’တိအာဒိ။ ဧတံ ဝုတ္တန္တိ ‘‘သဒ္ဓာ ဗန္ဓတိ ပာထေယ္ယ’’န္တိ ဧတံ ဂာထာပဒံ ဝုတ္တံ ဘဂဝတာ။ သိရီတိ ကတပုညေဟိ သေဝီယတိ တေဟိ ပဋိလဘီယတီတိ သိရီ။ ဣသ္သရိယံ ဝိဘဝော။ အာသယိတဗ္ဗတော အာသယော, ဝသနဋ္ဌာနံ နိကေတန္တိ အတ္ထော။ ပရိကဍ္ဎတီတိ ဣစ္ဆာဝသိကံ ပုဂ္ဂလံ တတ္ထ တတ္ထ ဥပကဍ္ဎတိ။
79.Saddhā bandhati pātheyyanti saddhā nāma sattassa maraṇavasena mahāpathaṃ saṃvajato mahākantāraṃ paṭipajjato mahāviduggaṃ pakkhandato pātheyyapuṭaṃ bandhati sambalaṃ sajjeti. Kathanti āha ‘‘saddhaṃ uppādetvā’’tiādi. Etaṃ vuttanti ‘‘saddhā bandhati pātheyya’’nti etaṃ gāthāpadaṃ vuttaṃ bhagavatā. Sirīti katapuññehi sevīyati tehi paṭilabhīyatīti sirī. Issariyaṃ vibhavo. Āsayitabbato āsayo, vasanaṭṭhānaṃ niketanti attho. Parikaḍḍhatīti icchāvasikaṃ puggalaṃ tattha tattha upakaḍḍhati.
ပာထေယ္ယသုတ္တဝဏ္ဏနာ နိဋ္ဌိတာ။
Pātheyyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ပာထေယ္ယသုတ္တံ • 9. Pātheyyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ပာထေယ္ယသုတ္တဝဏ္ဏနာ • 9. Pātheyyasuttavaṇṇanā
