| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९. पाथेय्यसुत्तवण्णना
9. Pātheyyasuttavaṇṇanā
७९. सद्धा बन्धति पाथेय्यन्ति सद्धा नाम सत्तस्स मरणवसेन महापथं संवजतो महाकन्तारं पटिपज्जतो महाविदुग्गं पक्खन्दतो पाथेय्यपुटं बन्धति सम्बलं सज्जेति। कथन्ति आह ‘‘सद्धं उप्पादेत्वा’’तिआदि। एतं वुत्तन्ति ‘‘सद्धा बन्धति पाथेय्य’’न्ति एतं गाथापदं वुत्तं भगवता। सिरीति कतपुञ्ञेहि सेवीयति तेहि पटिलभीयतीति सिरी। इस्सरियं विभवो। आसयितब्बतो आसयो, वसनट्ठानं निकेतन्ति अत्थो। परिकड्ढतीति इच्छावसिकं पुग्गलं तत्थ तत्थ उपकड्ढति।
79.Saddhā bandhati pātheyyanti saddhā nāma sattassa maraṇavasena mahāpathaṃ saṃvajato mahākantāraṃ paṭipajjato mahāviduggaṃ pakkhandato pātheyyapuṭaṃ bandhati sambalaṃ sajjeti. Kathanti āha ‘‘saddhaṃ uppādetvā’’tiādi. Etaṃ vuttanti ‘‘saddhā bandhati pātheyya’’nti etaṃ gāthāpadaṃ vuttaṃ bhagavatā. Sirīti katapuññehi sevīyati tehi paṭilabhīyatīti sirī. Issariyaṃ vibhavo. Āsayitabbato āsayo, vasanaṭṭhānaṃ niketanti attho. Parikaḍḍhatīti icchāvasikaṃ puggalaṃ tattha tattha upakaḍḍhati.
पाथेय्यसुत्तवण्णना निट्ठिता।
Pātheyyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. पाथेय्यसुत्तं • 9. Pātheyyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९. पाथेय्यसुत्तवण्णना • 9. Pātheyyasuttavaṇṇanā
