| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. পাথেয্যসুত্তৰণ্ণনা
9. Pātheyyasuttavaṇṇanā
৭৯. সদ্ধা বন্ধতি পাথেয্যন্তি সদ্ধা নাম সত্তস্স মরণৰসেন মহাপথং সংৰজতো মহাকন্তারং পটিপজ্জতো মহাৰিদুগ্গং পক্খন্দতো পাথেয্যপুটং বন্ধতি সম্বলং সজ্জেতি। কথন্তি আহ ‘‘সদ্ধং উপ্পাদেত্ৰা’’তিআদি। এতং ৰুত্তন্তি ‘‘সদ্ধা বন্ধতি পাথেয্য’’ন্তি এতং গাথাপদং ৰুত্তং ভগৰতা। সিরীতি কতপুঞ্ঞেহি সেৰীযতি তেহি পটিলভীযতীতি সিরী। ইস্সরিযং ৰিভৰো। আসযিতব্বতো আসযো, ৰসনট্ঠানং নিকেতন্তি অত্থো। পরিকড্ঢতীতি ইচ্ছাৰসিকং পুগ্গলং তত্থ তত্থ উপকড্ঢতি।
79.Saddhā bandhati pātheyyanti saddhā nāma sattassa maraṇavasena mahāpathaṃ saṃvajato mahākantāraṃ paṭipajjato mahāviduggaṃ pakkhandato pātheyyapuṭaṃ bandhati sambalaṃ sajjeti. Kathanti āha ‘‘saddhaṃ uppādetvā’’tiādi. Etaṃ vuttanti ‘‘saddhā bandhati pātheyya’’nti etaṃ gāthāpadaṃ vuttaṃ bhagavatā. Sirīti katapuññehi sevīyati tehi paṭilabhīyatīti sirī. Issariyaṃ vibhavo. Āsayitabbato āsayo, vasanaṭṭhānaṃ niketanti attho. Parikaḍḍhatīti icchāvasikaṃ puggalaṃ tattha tattha upakaḍḍhati.
পাথেয্যসুত্তৰণ্ণনা নিট্ঠিতা।
Pātheyyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পাথেয্যসুত্তং • 9. Pātheyyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. পাথেয্যসুত্তৰণ্ণনা • 9. Pātheyyasuttavaṇṇanā
