| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
34. பத²வீனித்³தே³ஸோ
34. Pathavīniddeso
பத²வீ சாதி –
Pathavī cāti –
242.
242.
ஜாதாஜாதாதி து³விதா⁴, ஸுத்³த⁴மத்திகபங்ஸுகா;
Jātājātāti duvidhā, suddhamattikapaṃsukā;
ஜாதாத³ட்³டா⁴ ச பத²வீ, ப³ஹுமத்திகபங்ஸுகா;
Jātādaḍḍhā ca pathavī, bahumattikapaṃsukā;
சாதுமாஸாதி⁴கோவட்ட²பங்ஸுமத்திகராஸி ச.
Cātumāsādhikovaṭṭhapaṃsumattikarāsi ca.
243.
243.
ஸுத்³த⁴ஸக்க²ரபாஸாணமரும்ப³கத²லவாலுகா;
Suddhasakkharapāsāṇamarumbakathalavālukā;
த³ட்³டா⁴ ச பூ⁴மி யேபு⁴ய்யஸக்க²ராதி³மஹீபி ச;
Daḍḍhā ca bhūmi yebhuyyasakkharādimahīpi ca;
து³தியா வுத்தராஸி ச, சாதுமாஸோமவட்ட²கோ.
Dutiyā vuttarāsi ca, cātumāsomavaṭṭhako.
244.
244.
த்³வே பா⁴கா³ தீஸு பா⁴கே³ஸு, மத்திகா யஸ்ஸ பூ⁴மியா;
Dve bhāgā tīsu bhāgesu, mattikā yassa bhūmiyā;
யேபு⁴ய்யமத்திகா ஏஸா, ஸேஸேஸுபி அயங் நயோ.
Yebhuyyamattikā esā, sesesupi ayaṃ nayo.
245.
245.
பாசித்தி க²ணனே ஜாதே, ஜாதஸஞ்ஞிஸ்ஸ து³க்கடங்;
Pācitti khaṇane jāte, jātasaññissa dukkaṭaṃ;
த்³வெள்ஹஸ்ஸாஜாதஸஞ்ஞிஸ்ஸ, நாபத்தாணாபனே ததா².
Dveḷhassājātasaññissa, nāpattāṇāpane tathā.
246.
246.
பஹாரே பஹாராபத்தி, க²ணமானஸ்ஸ அத்தனா;
Pahāre pahārāpatti, khaṇamānassa attanā;
ஏகாயாணத்தியா ஏகா, நானாணத்தீஸு வாசஸோ.
Ekāyāṇattiyā ekā, nānāṇattīsu vācaso.
247.
247.
‘‘இமங் டா²னமிமங் கந்த³மித⁴ வாபிங் க²ணெத்த² ச;
‘‘Imaṃ ṭhānamimaṃ kandamidha vāpiṃ khaṇettha ca;
ஜாலேஹக்³கி³’’ந்தி வா வத்துங், நியமெத்வா ந வட்டதி.
Jālehaggi’’nti vā vattuṃ, niyametvā na vaṭṭati.
248.
248.
‘‘த²ம்ப⁴ஸ்ஸிமஸ்ஸாவாடங் வா, மத்திகங் ஜான மாஹர;
‘‘Thambhassimassāvāṭaṃ vā, mattikaṃ jāna māhara;
கரோஹி கப்பியஞ்சே’’தி, வசனங் வட்டதேதி³ஸங்.
Karohi kappiyañce’’ti, vacanaṃ vaṭṭatedisaṃ.
249.
249.
அஸம்ப³த்³த⁴ங் பத²வியா, ஸுக்க²கத்³த³மஆதி³கங்;
Asambaddhaṃ pathaviyā, sukkhakaddamaādikaṃ;
கோபேதுங் தனுகங் லப்³ப⁴முஸ்ஸிஞ்சனீயகத்³த³மங்.
Kopetuṃ tanukaṃ labbhamussiñcanīyakaddamaṃ.
250.
250.
க³ண்டு³ப்பாத³ங் உபசிகாமத்திகங் மூஸிகுக்கிரங்;
Gaṇḍuppādaṃ upacikāmattikaṃ mūsikukkiraṃ;
சாதுமாஸாதி⁴கோவட்ட²ங், லெட்³டா³தி³ஞ்ச ந கோபயே.
Cātumāsādhikovaṭṭhaṃ, leḍḍādiñca na kopaye.
251.
251.
பதிதே வாபிஆதீ³னங், கூலே உத³கஸந்திகே;
Patite vāpiādīnaṃ, kūle udakasantike;
பாஸாணே ச ரஜே லக்³கே³, பதிதே நவஸொண்டி³யா.
Pāsāṇe ca raje lagge, patite navasoṇḍiyā.
252.
252.
வம்மிகே மத்திகாகுட்டே, அப்³போ⁴காஸுட்டி²தே ததா²;
Vammike mattikākuṭṭe, abbhokāsuṭṭhite tathā;
யேபு⁴ய்யகத²லட்டா²னே, திட்ட²திட்ட²ககுட்டகோ.
Yebhuyyakathalaṭṭhāne, tiṭṭhatiṭṭhakakuṭṭako.
253.
253.
த²ம்பா⁴தி³ங் க³ண்ஹிதுங் பூ⁴மிங், ஸஞ்சாலெத்வா விகோபயங்;
Thambhādiṃ gaṇhituṃ bhūmiṃ, sañcāletvā vikopayaṃ;
தா⁴ராய பி⁴ந்தி³துங் பூ⁴மிங், காதுங் வா விஸமங் ஸமங்.
Dhārāya bhindituṃ bhūmiṃ, kātuṃ vā visamaṃ samaṃ.
254.
254.
ஸம்முஞ்ஜனீஹி க⁴ங்ஸிதுங், கண்டகாதி³ங் பவேஸிதுங்;
Sammuñjanīhi ghaṃsituṃ, kaṇṭakādiṃ pavesituṃ;
த³ஸ்ஸெஸ்ஸாமீதி பி⁴ந்த³ந்தோ, பூ⁴மிங் சங்கமிதுங் பத³ங்.
Dassessāmīti bhindanto, bhūmiṃ caṅkamituṃ padaṃ.
255.
255.
க⁴ங்ஸிதுங் அங்க³பச்சங்க³ங், கண்டு³ரோகீ³ தடாதி³ஸு;
Ghaṃsituṃ aṅgapaccaṅgaṃ, kaṇḍurogī taṭādisu;
ஹத்த²ங் வா தோ⁴விதுங் பூ⁴மிங், க⁴ங்ஸிதுங் ந ச கப்பதி.
Hatthaṃ vā dhovituṃ bhūmiṃ, ghaṃsituṃ na ca kappati.
256.
256.
த²ம்பா⁴தி³உஜுகுத்³தா⁴ரோ, பாஸாணாதி³பவட்டனங்;
Thambhādiujukuddhāro, pāsāṇādipavaṭṭanaṃ;
ஸாகா²தி³கட்³ட⁴னங் ருக்க²லதாச்சே²த³னபா²லனங்.
Sākhādikaḍḍhanaṃ rukkhalatācchedanaphālanaṃ.
257.
257.
ஸேகோ பஸ்ஸாவஆதீ³னங், ஸுத்³த⁴சித்தஸ்ஸ வட்டதி;
Seko passāvaādīnaṃ, suddhacittassa vaṭṭati;
அல்லஹத்த²ங் ட²பெத்வான, ரஜக்³கா³ஹோ ச பூ⁴மியா.
Allahatthaṃ ṭhapetvāna, rajaggāho ca bhūmiyā.
258.
258.
அக்³கி³ஸ்ஸ அனுபாதா³னே, கபாலே இட்ட²காய வா;
Aggissa anupādāne, kapāle iṭṭhakāya vā;
பாதேதுங் லப்³ப⁴தே அக்³கி³ங், பூ⁴மியங் வாவஸே ஸதீதி.
Pātetuṃ labbhate aggiṃ, bhūmiyaṃ vāvase satīti.
