| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੧੦. ਪਥવੀਖਣਨਸਿਕ੍ਖਾਪਦવਣ੍ਣਨਾ
10. Pathavīkhaṇanasikkhāpadavaṇṇanā
੮੬. ਦਸਮੇ ਅਪ੍ਪਪਂਸੁਮਤ੍ਤਿਕਾਯ ਪਥવਿਯਾ ਅਨਾਪਤ੍ਤਿવਤ੍ਥੁਭਾવੇਨ વੁਤ੍ਤਤ੍ਤਾ ਉਪਡ੍ਢਪਂਸੁਮਤ੍ਤਿਕਾਯਪਿ ਪਾਚਿਤ੍ਤਿਯਮੇવਾਤਿ ਗਹੇਤਬ੍ਬਂ। ਨ ਹੇਤਂ ਦੁਕ੍ਕਟવਤ੍ਥੂਤਿ ਸਕ੍ਕਾ વਤ੍ਤੁਂ ਜਾਤਾਜਾਤવਿਨਿਮੁਤ੍ਤਾਯ ਤਤਿਯਪਥવਿਯਾ ਅਭਾવਤੋ।
86. Dasame appapaṃsumattikāya pathaviyā anāpattivatthubhāvena vuttattā upaḍḍhapaṃsumattikāyapi pācittiyamevāti gahetabbaṃ. Na hetaṃ dukkaṭavatthūti sakkā vattuṃ jātājātavinimuttāya tatiyapathaviyā abhāvato.
વਟ੍ਟਤੀਤਿ ਇਮਸ੍ਮਿਂ ਠਾਨੇ ਪੋਕ੍ਖਰਣਿਂ ਖਣਾਤਿ ਓਕਾਸਸ੍ਸ ਅਨਿਯਮਿਤਤ੍ਤਾ વਟ੍ਟਤਿ। ਇਮਂ વਲ੍ਲਿਂ ਖਣਾਤਿ ਪਥવੀਖਣਨਂ ਸਨ੍ਧਾਯ વੁਤ੍ਤਤ੍ਤਾ ਇਮਿਨਾવ ਸਿਕ੍ਖਾਪਦੇਨ ਆਪਤ੍ਤਿ, ਨ ਭੂਤਗਾਮਸਿਕ੍ਖਾਪਦੇਨ। ਉਭਯਮ੍ਪਿ ਸਨ੍ਧਾਯ વੁਤ੍ਤੇ ਪਨ ਦ੍વੇਪਿ ਪਾਚਿਤ੍ਤਿਯਾ ਹੋਨ੍ਤਿ। ਉਦਕਪਪ੍ਪਟਕੋਤਿ ਉਦਕੇ ਅਨ੍ਤੋਭੂਮਿਯਂ ਪવਿਟ੍ਠੇ ਤਸ੍ਸ ਉਪਰਿਭਾਗਂ ਛਾਦੇਤ੍વਾ ਤਨੁਕਪਂਸੁ વਾ ਮਤ੍ਤਿਕਾ વਾ ਪਟਲਂ ਹੁਤ੍વਾ ਪਤਮਾਨਾ ਤਿਟ੍ਠਤਿ, ਤਸ੍ਮਿਂ ਉਦਕੇ ਸੁਕ੍ਖੇਪਿ ਤਂ ਪਟਲਂ વਾਤੇਨ ਚਲਮਾਨਾ ਤਿਟ੍ਠਤਿ, ਤਂ ਉਦਕਪਪ੍ਪਟਕੋ ਨਾਮ।
Vaṭṭatīti imasmiṃ ṭhāne pokkharaṇiṃ khaṇāti okāsassa aniyamitattā vaṭṭati. Imaṃ valliṃ khaṇāti pathavīkhaṇanaṃ sandhāya vuttattā imināva sikkhāpadena āpatti, na bhūtagāmasikkhāpadena. Ubhayampi sandhāya vutte pana dvepi pācittiyā honti. Udakapappaṭakoti udake antobhūmiyaṃ paviṭṭhe tassa uparibhāgaṃ chādetvā tanukapaṃsu vā mattikā vā paṭalaṃ hutvā patamānā tiṭṭhati, tasmiṃ udake sukkhepi taṃ paṭalaṃ vātena calamānā tiṭṭhati, taṃ udakapappaṭako nāma.
ਅਕਤਪਬ੍ਭਾਰੇਤਿ ਅવਲ਼ਞ੍ਜਨਟ੍ਠਾਨਦਸ੍ਸਨਤ੍ਥਂ વੁਤ੍ਤਂ। ਤਾਦਿਸੇ ਏવ ਹਿ વਮ੍ਮਿਕਸ੍ਸ ਸਮ੍ਭવੋਤਿ। ਮੂਸਿਕੁਕ੍ਕਰਂ ਨਾਮ ਮੂਸਿਕਾਹਿ ਖਨਿਤ੍વਾ ਬਹਿ ਕਤਪਂਸੁਰਾਸਿ। ਅਚ੍ਛਦਨਨ੍ਤਿਆਦਿવੁਤ੍ਤਤ੍ਤਾ ਉਜੁਕਂ ਆਕਾਸਤੋ ਪਤਿਤવਸ੍ਸੋਦਕੇਨ ਓવਟ੍ਠਮੇવ ਜਾਤਪਥવੀ ਹੋਤਿ, ਨ ਛਦਨਾਦੀਸੁ ਪਤਿਤ੍વਾ ਤਤੋ ਪવਤ੍ਤਉਦਕੇਨ ਤਿਨ੍ਤਨ੍ਤਿ વੇਦਿਤਬ੍ਬਂ। ਮਣ੍ਡਪਤ੍ਥਮ੍ਭਨ੍ਤਿ ਸਾਖਾਮਣ੍ਡਪਤ੍ਥਮ੍ਭਂ। ਉਚ੍ਚਾਲੇਤ੍વਾਤਿ ਉਕ੍ਖਿਪਿਤ੍વਾ। ਤਤੋਤਿ ਪੁਰਾਣਸੇਨਾਸਨਤੋ।
Akatapabbhāreti avaḷañjanaṭṭhānadassanatthaṃ vuttaṃ. Tādise eva hi vammikassa sambhavoti. Mūsikukkaraṃ nāma mūsikāhi khanitvā bahi katapaṃsurāsi. Acchadanantiādivuttattā ujukaṃ ākāsato patitavassodakena ovaṭṭhameva jātapathavī hoti, na chadanādīsu patitvā tato pavattaudakena tintanti veditabbaṃ. Maṇḍapatthambhanti sākhāmaṇḍapatthambhaṃ. Uccāletvāti ukkhipitvā. Tatoti purāṇasenāsanato.
੮੮. ਮਹਾਮਤ੍ਤਿਕਨ੍ਤਿ ਭਿਤ੍ਤਿਲੇਪਨਂ। ਜਾਤਪਥવਿਤਾ, ਤਥਾਸਞ੍ਞਿਤਾ, ਖਣਨਖਣਾਪਨਾਨਂ ਅਞ੍ਞਤਰਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
88.Mahāmattikanti bhittilepanaṃ. Jātapathavitā, tathāsaññitā, khaṇanakhaṇāpanānaṃ aññataranti imānettha tīṇi aṅgāni.
ਪਥવੀਖਣਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pathavīkhaṇanasikkhāpadavaṇṇanā niṭṭhitā.
ਨਿਟ੍ਠਿਤੋ ਮੁਸਾવਾਦવਗ੍ਗੋ ਪਠਮੋ।
Niṭṭhito musāvādavaggo paṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧੦. ਪਥવੀਖਣਨਸਿਕ੍ਖਾਪਦવਣ੍ਣਨਾ • 10. Pathavīkhaṇanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੦. ਪਥવੀਖਣਨਸਿਕ੍ਖਾਪਦવਣ੍ਣਨਾ • 10. Pathavīkhaṇanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧੦. ਪਥવੀਖਣਨਸਿਕ੍ਖਾਪਦવਣ੍ਣਨਾ • 10. Pathavīkhaṇanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦. ਪਥવੀਖਣਨਸਿਕ੍ਖਾਪਦਂ • 10. Pathavīkhaṇanasikkhāpadaṃ
