| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൭. പഥവീകമ്മവിപാകോതികഥാവണ്ണനാ
7. Pathavīkammavipākotikathāvaṇṇanā
൪൯൨. ഫസ്സോ സുഖവേദനീയാദിഭേദോ ഹോതീതി ഫസ്സേന സബ്ബമ്പി കമ്മവിപാകം ദസ്സേത്വാ പുന അത്തവജ്ജേഹി സമ്പയോഗദസ്സനത്ഥം ‘‘സോ ച സഞ്ഞാദയോ ചാ’’തിആദി വുത്തം. അത്ഥി ച നേസന്തി സാവജ്ജനേ ചക്ഖുവിഞ്ഞാണാദിസഹജാതധമ്മേ സന്ധായ വുത്തം. യോ തത്ഥ ഇട്ഠവിപാകോ, തസ്സ പത്ഥനാതി ഇട്ഠവിപാകേ ഏവ പത്ഥനം കത്വാ കമ്മം കരോന്തീതി കമ്മൂപനിസ്സയഭൂതമേവ പത്ഥനം ദസ്സേതി, പച്ചുപ്പന്നവേദനാപച്ചയം വാ തണ്ഹം ഉപാദാനാദിനിബ്ബത്തനവസേന ദുക്ഖസ്സ പഭാവിതം. മൂലതണ്ഹാതി പച്ചുപ്പന്നവിപാകവട്ടനിബ്ബത്തകകമ്മസ്സ ഉപനിസ്സയഭൂതം പുരിമതണ്ഹം, കമ്മസഹായം വാ വിപാകസ്സ ഉപനിസ്സയഭൂതം.
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
൪൯൩. സകസമയവസേന ച ചോദനായ പയുജ്ജമാനതം ദസ്സേതും ‘‘തേസഞ്ച ലദ്ധിയാ’’തിആദിമാഹ.
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
൪൯൪. പടിലാഭവസേനാതി കമ്മേ സതി പഥവിയാദീനം പടിലാഭോ ഹോതീതി കമ്മം തംസംവത്തനികം നാമ ഹോതീതി ദസ്സേതി.
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
പഥവീകമ്മവിപാകോതികഥാവണ്ണനാ നിട്ഠിതാ.
Pathavīkammavipākotikathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൬൯) ൭. പഥവീ കമ്മവിപാകോതികഥാ • (69) 7. Pathavī kammavipākotikathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൭. പഥവീകമ്മവിപാകോതികഥാവണ്ണനാ • 7. Pathavīkammavipākotikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൭. പഥവീകമ്മവിപാകോതികഥാവണ്ണനാ • 7. Pathavīkammavipākotikathāvaṇṇanā
