| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ
7. Pathavīkammavipākotikathāvaṇṇanā
੪੯੨. ਫਸ੍ਸੋ ਸੁਖવੇਦਨੀਯਾਦਿਭੇਦੋ ਹੋਤੀਤਿ ਫਸ੍ਸੇਨ ਸਬ੍ਬਮ੍ਪਿ ਕਮ੍ਮવਿਪਾਕਂ ਦਸ੍ਸੇਤ੍વਾ ਪੁਨ ਅਤ੍ਤવਜ੍ਜੇਹਿ ਸਮ੍ਪਯੋਗਦਸ੍ਸਨਤ੍ਥਂ ‘‘ਸੋ ਚ ਸਞ੍ਞਾਦਯੋ ਚਾ’’ਤਿਆਦਿ વੁਤ੍ਤਂ। ਅਤ੍ਥਿ ਚ ਨੇਸਨ੍ਤਿ ਸਾવਜ੍ਜਨੇ ਚਕ੍ਖੁવਿਞ੍ਞਾਣਾਦਿਸਹਜਾਤਧਮ੍ਮੇ ਸਨ੍ਧਾਯ વੁਤ੍ਤਂ। ਯੋ ਤਤ੍ਥ ਇਟ੍ਠવਿਪਾਕੋ, ਤਸ੍ਸ ਪਤ੍ਥਨਾਤਿ ਇਟ੍ਠવਿਪਾਕੇ ਏવ ਪਤ੍ਥਨਂ ਕਤ੍વਾ ਕਮ੍ਮਂ ਕਰੋਨ੍ਤੀਤਿ ਕਮ੍ਮੂਪਨਿਸ੍ਸਯਭੂਤਮੇવ ਪਤ੍ਥਨਂ ਦਸ੍ਸੇਤਿ, ਪਚ੍ਚੁਪ੍ਪਨ੍ਨવੇਦਨਾਪਚ੍ਚਯਂ વਾ ਤਣ੍ਹਂ ਉਪਾਦਾਨਾਦਿਨਿਬ੍ਬਤ੍ਤਨવਸੇਨ ਦੁਕ੍ਖਸ੍ਸ ਪਭਾવਿਤਂ। ਮੂਲਤਣ੍ਹਾਤਿ ਪਚ੍ਚੁਪ੍ਪਨ੍ਨવਿਪਾਕવਟ੍ਟਨਿਬ੍ਬਤ੍ਤਕਕਮ੍ਮਸ੍ਸ ਉਪਨਿਸ੍ਸਯਭੂਤਂ ਪੁਰਿਮਤਣ੍ਹਂ, ਕਮ੍ਮਸਹਾਯਂ વਾ વਿਪਾਕਸ੍ਸ ਉਪਨਿਸ੍ਸਯਭੂਤਂ।
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
੪੯੩. ਸਕਸਮਯવਸੇਨ ਚ ਚੋਦਨਾਯ ਪਯੁਜ੍ਜਮਾਨਤਂ ਦਸ੍ਸੇਤੁਂ ‘‘ਤੇਸਞ੍ਚ ਲਦ੍ਧਿਯਾ’’ਤਿਆਦਿਮਾਹ।
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
੪੯੪. ਪਟਿਲਾਭવਸੇਨਾਤਿ ਕਮ੍ਮੇ ਸਤਿ ਪਥવਿਯਾਦੀਨਂ ਪਟਿਲਾਭੋ ਹੋਤੀਤਿ ਕਮ੍ਮਂ ਤਂਸਂવਤ੍ਤਨਿਕਂ ਨਾਮ ਹੋਤੀਤਿ ਦਸ੍ਸੇਤਿ।
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ ਨਿਟ੍ਠਿਤਾ।
Pathavīkammavipākotikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੬੯) ੭. ਪਥવੀ ਕਮ੍ਮવਿਪਾਕੋਤਿਕਥਾ • (69) 7. Pathavī kammavipākotikathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ • 7. Pathavīkammavipākotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ • 7. Pathavīkammavipākotikathāvaṇṇanā
