| Library / Tipiṭaka / తిపిటక • Tipiṭaka / పఞ్చపకరణ-మూలటీకా • Pañcapakaraṇa-mūlaṭīkā |
౭. పథవీకమ్మవిపాకోతికథావణ్ణనా
7. Pathavīkammavipākotikathāvaṇṇanā
౪౯౨. ఫస్సో సుఖవేదనీయాదిభేదో హోతీతి ఫస్సేన సబ్బమ్పి కమ్మవిపాకం దస్సేత్వా పున అత్తవజ్జేహి సమ్పయోగదస్సనత్థం ‘‘సో చ సఞ్ఞాదయో చా’’తిఆది వుత్తం. అత్థి చ నేసన్తి సావజ్జనే చక్ఖువిఞ్ఞాణాదిసహజాతధమ్మే సన్ధాయ వుత్తం. యో తత్థ ఇట్ఠవిపాకో, తస్స పత్థనాతి ఇట్ఠవిపాకే ఏవ పత్థనం కత్వా కమ్మం కరోన్తీతి కమ్మూపనిస్సయభూతమేవ పత్థనం దస్సేతి, పచ్చుప్పన్నవేదనాపచ్చయం వా తణ్హం ఉపాదానాదినిబ్బత్తనవసేన దుక్ఖస్స పభావితం. మూలతణ్హాతి పచ్చుప్పన్నవిపాకవట్టనిబ్బత్తకకమ్మస్స ఉపనిస్సయభూతం పురిమతణ్హం, కమ్మసహాయం వా విపాకస్స ఉపనిస్సయభూతం.
492. Phassosukhavedanīyādibhedo hotīti phassena sabbampi kammavipākaṃ dassetvā puna attavajjehi sampayogadassanatthaṃ ‘‘so ca saññādayo cā’’tiādi vuttaṃ. Atthi ca nesanti sāvajjane cakkhuviññāṇādisahajātadhamme sandhāya vuttaṃ. Yo tattha iṭṭhavipāko, tassa patthanāti iṭṭhavipāke eva patthanaṃ katvā kammaṃ karontīti kammūpanissayabhūtameva patthanaṃ dasseti, paccuppannavedanāpaccayaṃ vā taṇhaṃ upādānādinibbattanavasena dukkhassa pabhāvitaṃ. Mūlataṇhāti paccuppannavipākavaṭṭanibbattakakammassa upanissayabhūtaṃ purimataṇhaṃ, kammasahāyaṃ vā vipākassa upanissayabhūtaṃ.
౪౯౩. సకసమయవసేన చ చోదనాయ పయుజ్జమానతం దస్సేతుం ‘‘తేసఞ్చ లద్ధియా’’తిఆదిమాహ.
493. Sakasamayavasena ca codanāya payujjamānataṃ dassetuṃ ‘‘tesañca laddhiyā’’tiādimāha.
౪౯౪. పటిలాభవసేనాతి కమ్మే సతి పథవియాదీనం పటిలాభో హోతీతి కమ్మం తంసంవత్తనికం నామ హోతీతి దస్సేతి.
494. Paṭilābhavasenāti kamme sati pathaviyādīnaṃ paṭilābho hotīti kammaṃ taṃsaṃvattanikaṃ nāma hotīti dasseti.
పథవీకమ్మవిపాకోతికథావణ్ణనా నిట్ఠితా.
Pathavīkammavipākotikathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౬౯) ౭. పథవీ కమ్మవిపాకోతికథా • (69) 7. Pathavī kammavipākotikathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౭. పథవీకమ్మవిపాకోతికథావణ్ణనా • 7. Pathavīkammavipākotikathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౭. పథవీకమ్మవిపాకోతికథావణ్ణనా • 7. Pathavīkammavipākotikathāvaṇṇanā
