| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๐. ปถวีธาตุสนิทสฺสนาติอาทิกถาวณฺณนา
10. Pathavīdhātusanidassanātiādikathāvaṇṇanā
๔๖๕-๔๗๐. อิทานิ ปถวีธาตุ สนิทสฺสนาติอาทิกถา นาม โหติฯ ตตฺถ เยสํ ปาสาณอุทกชาลรุกฺขจลนานเญฺจว ปญฺจินฺทฺริยปติโฎฺฐกาสานญฺจ วณฺณายตนํ กายวิญฺญตฺติกาเล หตฺถปาทาทิรูปญฺจ ทิสฺวา ‘‘ปถวีธาตุอาทโย สนิทสฺสนา’’ติ ลทฺธิ, เสยฺยถาปิ อนฺธกานํ; เต สนฺธาย สพฺพกถาสุ อาทิปุจฺฉา สกวาทิสฺส, ปฎิญฺญา อิตรสฺสฯ เสสํ สพฺพตฺถ ปาฬิอนุสาเรน เจว เหฎฺฐา วุตฺตนเยน จ เวทิตพฺพนฺติฯ ปถวีธาตุ สนิทสฺสนาติ อาทิํ กตฺวา กายกมฺมํ สนิทสฺสนนฺติ ปริโยสานกถา นิฎฺฐิตาฯ
465-470. Idāni pathavīdhātu sanidassanātiādikathā nāma hoti. Tattha yesaṃ pāsāṇaudakajālarukkhacalanānañceva pañcindriyapatiṭṭhokāsānañca vaṇṇāyatanaṃ kāyaviññattikāle hatthapādādirūpañca disvā ‘‘pathavīdhātuādayo sanidassanā’’ti laddhi, seyyathāpi andhakānaṃ; te sandhāya sabbakathāsu ādipucchā sakavādissa, paṭiññā itarassa. Sesaṃ sabbattha pāḷianusārena ceva heṭṭhā vuttanayena ca veditabbanti. Pathavīdhātu sanidassanāti ādiṃ katvā kāyakammaṃ sanidassananti pariyosānakathā niṭṭhitā.
ฉโฎฺฐ วโคฺคฯ
Chaṭṭho vaggo.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi
(๖๐) ๘. ปถวีธาตุ สนิทสฺสนาติอาทิกถา • (60) 8. Pathavīdhātu sanidassanātiādikathā
(๖๑) ๙. จกฺขุนฺทฺริยํ สนิทสฺสนนฺติอาทิกถา • (61) 9. Cakkhundriyaṃ sanidassanantiādikathā
(๖๒) ๑๐. กายกมฺมํ สนิทสฺสนนฺติกถา • (62) 10. Kāyakammaṃ sanidassanantikathā
