| Library / Tipiṭaka / ತಿಪಿಟಕ • Tipiṭaka / ಧಮ್ಮಪದ-ಅಟ್ಠಕಥಾ • Dhammapada-aṭṭhakathā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಖುದ್ದಕನಿಕಾಯೇ
Khuddakanikāye
ಧಮ್ಮಪದ-ಅಟ್ಠಕಥಾ
Dhammapada-aṭṭhakathā
(ಪಠಮೋ ಭಾಗೋ)
(Paṭhamo bhāgo)
ಗನ್ಥಾರಮ್ಭಕಥಾ
Ganthārambhakathā
೧.
1.
ಮಹಾಮೋಹತಮೋನದ್ಧೇ , ಲೋಕೇ ಲೋಕನ್ತದಸ್ಸಿನಾ।
Mahāmohatamonaddhe , loke lokantadassinā;
ಯೇನ ಸದ್ಧಮ್ಮಪಜ್ಜೋತೋ, ಜಾಲಿತೋ ಜಲಿತಿದ್ಧಿನಾ॥
Yena saddhammapajjoto, jālito jalitiddhinā.
೨.
2.
ತಸ್ಸ ಪಾದೇ ನಮಸ್ಸಿತ್ವಾ, ಸಮ್ಬುದ್ಧಸ್ಸ ಸಿರೀಮತೋ।
Tassa pāde namassitvā, sambuddhassa sirīmato;
ಸದ್ಧಮ್ಮಞ್ಚಸ್ಸ ಪೂಜೇತ್ವಾ, ಕತ್ವಾ ಸಙ್ಘಸ್ಸ ಚಞ್ಜಲಿಂ॥
Saddhammañcassa pūjetvā, katvā saṅghassa cañjaliṃ.
೩.
3.
ತಂ ತಂ ಕಾರಣಮಾಗಮ್ಮ, ಧಮ್ಮಾಧಮ್ಮೇಸು ಕೋವಿದೋ।
Taṃ taṃ kāraṇamāgamma, dhammādhammesu kovido;
ಸಮ್ಪತ್ತಸದ್ಧಮ್ಮಪದೋ, ಸತ್ಥಾ ಧಮ್ಮಪದಂ ಸುಭಂ॥
Sampattasaddhammapado, satthā dhammapadaṃ subhaṃ.
೪.
4.
ದೇಸೇಸಿ ಕರುಣಾವೇಗ-ಸಮುಸ್ಸಾಹಿತಮಾನಸೋ।
Desesi karuṇāvega-samussāhitamānaso;
ಯಂ ವೇ ದೇವಮನುಸ್ಸಾನಂ, ಪೀತಿಪಾಮೋಜ್ಜವಡ್ಢನಂ॥
Yaṃ ve devamanussānaṃ, pītipāmojjavaḍḍhanaṃ.
೫.
5.
ಪರಮ್ಪರಾಭತಾ ತಸ್ಸ, ನಿಪುಣಾ ಅತ್ಥವಣ್ಣನಾ।
Paramparābhatā tassa, nipuṇā atthavaṇṇanā;
ಯಾ ತಮ್ಬಪಣ್ಣಿದೀಪಮ್ಹಿ, ದೀಪಭಾಸಾಯ ಸಣ್ಠಿತಾ॥
Yā tambapaṇṇidīpamhi, dīpabhāsāya saṇṭhitā.
೬.
6.
ನ ಸಾಧಯತಿ ಸೇಸಾನಂ, ಸತ್ತಾನಂ ಹಿತಸಮ್ಪದಂ।
Na sādhayati sesānaṃ, sattānaṃ hitasampadaṃ;
ಅಪ್ಪೇವ ನಾಮ ಸಾಧೇಯ್ಯ, ಸಬ್ಬಲೋಕಸ್ಸ ಸಾ ಹಿತಂ॥
Appeva nāma sādheyya, sabbalokassa sā hitaṃ.
೭.
7.
ಇತಿ ಆಸೀಸಮಾನೇನ, ದನ್ತೇನ ಸಮಚಾರಿನಾ।
Iti āsīsamānena, dantena samacārinā;
ಕುಮಾರಕಸ್ಸಪೇನಾಹಂ, ಥೇರೇನ ಥಿರಚೇತಸಾ॥
Kumārakassapenāhaṃ, therena thiracetasā.
೮ .
8.
ಸದ್ಧಮ್ಮಟ್ಠಿತಿಕಾಮೇನ , ಸಕ್ಕಚ್ಚಂ ಅಭಿಯಾಚಿತೋ।
Saddhammaṭṭhitikāmena , sakkaccaṃ abhiyācito;
ತಂ ಭಾಸಂ ಅತಿವಿತ್ಥಾರ-ಗತಞ್ಚ ವಚನಕ್ಕಮಂ॥
Taṃ bhāsaṃ ativitthāra-gatañca vacanakkamaṃ.
೯ .
9.
ಪಹಾಯಾರೋಪಯಿತ್ವಾನ , ತನ್ತಿಭಾಸಂ ಮನೋರಮಂ।
Pahāyāropayitvāna , tantibhāsaṃ manoramaṃ;
ಗಾಥಾನಂ ಬ್ಯಞ್ಜನಪದಂ, ಯಂ ತತ್ಥ ನ ವಿಭಾವಿತಂ॥
Gāthānaṃ byañjanapadaṃ, yaṃ tattha na vibhāvitaṃ.
೧೦.
10.
ಕೇವಲಂ ತಂ ವಿಭಾವೇತ್ವಾ, ಸೇಸಂ ತಮೇವ ಅತ್ಥತೋ।
Kevalaṃ taṃ vibhāvetvā, sesaṃ tameva atthato;
ಭಾಸನ್ತರೇನ ಭಾಸಿಸ್ಸಂ, ಆವಹನ್ತೋ ವಿಭಾವಿನಂ।
Bhāsantarena bhāsissaṃ, āvahanto vibhāvinaṃ;
ಮನಸೋ ಪೀತಿಪಾಮೋಜ್ಜಂ, ಅತ್ಥಧಮ್ಮೂಪನಿಸ್ಸಿತನ್ತಿ॥
Manaso pītipāmojjaṃ, atthadhammūpanissitanti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಧಮ್ಮಪದಪಾಳಿ • Dhammapadapāḷi / ೧. ಯಮಕವಗ್ಗೋ • 1. Yamakavaggo
