| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༥. པཋམཡོདྷཱཛཱིཝསུཏྟཝཎྞནཱ
5. Paṭhamayodhājīvasuttavaṇṇanā
༧༥. པཉྩམེ ཡུཛ྄ཛྷནཾ ཡོདྷོ, སོ ཨཱཛཱིཝོ ཨེཏེསནྟི ཡོདྷཱཛཱིཝཱ། ཏེནཱཧ ‘‘ཡུདྡྷཱུཔཛཱིཝིནོ’’ཏི། སནྠམྦྷིཏྭཱ ཋཱཏུཾ ན སཀྐོཏཱིཏི བདྡྷོ དྷིཏིསམྤནྣོ ཋཱཏུཾ ན སཀྐོཏི། སམཱགཏེཏི སམྤཏྟེ། བྱཱཔཛྫཏཱིཏི ཝིཀཱརམཱཔཛྫཏི། ཏེནཱཧ ‘‘པཀཏིབྷཱཝཾ ཛཧཏཱི’’ཏི།
75. Pañcame yujjhanaṃ yodho, so ājīvo etesanti yodhājīvā. Tenāha ‘‘yuddhūpajīvino’’ti. Santhambhitvā ṭhātuṃ na sakkotīti baddho dhitisampanno ṭhātuṃ na sakkoti. Samāgateti sampatte. Byāpajjatīti vikāramāpajjati. Tenāha ‘‘pakatibhāvaṃ jahatī’’ti.
རཛགྒསྨིནྟི པཙྩཏྟེ བྷུམྨཝཙནནྟི ཨཱཧ ‘‘ཀིཾ ཏསྶ པུགྒལསྶ རཛགྒཾ ནཱམཱ’’ཏི། ཝིནིབྦེཋེཏྭཱཏི གཧིཏགྒཧཎཾ ཝིསྶཛྫཱཔེཏྭཱ། མོཙེཏྭཱཏི སརཱིརཏོ ཨཔནེཏྭཱ།
Rajaggasminti paccatte bhummavacananti āha ‘‘kiṃ tassa puggalassa rajaggaṃ nāmā’’ti. Vinibbeṭhetvāti gahitaggahaṇaṃ vissajjāpetvā. Mocetvāti sarīrato apanetvā.
པཋམཡོདྷཱཛཱིཝསུཏྟཝཎྞནཱ ནིཊྛིཏཱ།
Paṭhamayodhājīvasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. པཋམཡོདྷཱཛཱིཝསུཏྟཾ • 5. Paṭhamayodhājīvasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. པཋམཡོདྷཱཛཱིཝསུཏྟཝཎྞནཱ • 5. Paṭhamayodhājīvasuttavaṇṇanā
