| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၅. ပဌမယောဓာဇီဝသုတ္တဝဏ္ဏနာ
5. Paṭhamayodhājīvasuttavaṇṇanā
၇၅. ပဉ္စမေ ယုဇ္ဈနံ ယောဓော, သော အာဇီဝော ဧတေသန္တိ ယောဓာဇီဝာ။ တေနာဟ ‘‘ယုဒ္ဓူပဇီဝိနော’’တိ။ သန္ထမ္ဘိတ္ဝာ ဌာတုံ န သက္ကောတီတိ ဗဒ္ဓော ဓိတိသမ္ပန္နော ဌာတုံ န သက္ကောတိ။ သမာဂတေတိ သမ္ပတ္တေ။ ဗ္ယာပဇ္ဇတီတိ ဝိကာရမာပဇ္ဇတိ။ တေနာဟ ‘‘ပကတိဘာဝံ ဇဟတီ’’တိ။
75. Pañcame yujjhanaṃ yodho, so ājīvo etesanti yodhājīvā. Tenāha ‘‘yuddhūpajīvino’’ti. Santhambhitvā ṭhātuṃ na sakkotīti baddho dhitisampanno ṭhātuṃ na sakkoti. Samāgateti sampatte. Byāpajjatīti vikāramāpajjati. Tenāha ‘‘pakatibhāvaṃ jahatī’’ti.
ရဇဂ္ဂသ္မိန္တိ ပစ္စတ္တေ ဘုမ္မဝစနန္တိ အာဟ ‘‘ကိံ တသ္သ ပုဂ္ဂလသ္သ ရဇဂ္ဂံ နာမာ’’တိ။ ဝိနိဗ္ဗေဌေတ္ဝာတိ ဂဟိတဂ္ဂဟဏံ ဝိသ္သဇ္ဇာပေတ္ဝာ။ မောစေတ္ဝာတိ သရီရတော အပနေတ္ဝာ။
Rajaggasminti paccatte bhummavacananti āha ‘‘kiṃ tassa puggalassa rajaggaṃ nāmā’’ti. Vinibbeṭhetvāti gahitaggahaṇaṃ vissajjāpetvā. Mocetvāti sarīrato apanetvā.
ပဌမယောဓာဇီဝသုတ္တဝဏ္ဏနာ နိဋ္ဌိတာ။
Paṭhamayodhājīvasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. ပဌမယောဓာဇီဝသုတ္တံ • 5. Paṭhamayodhājīvasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅. ပဌမယောဓာဇီဝသုတ္တဝဏ္ဏနာ • 5. Paṭhamayodhājīvasuttavaṇṇanā
