| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅-၇. ပဌမဝိတ္ထာရသုတ္တာဒိဝဏ္ဏနာ
5-7. Paṭhamavitthārasuttādivaṇṇanā
၄၈၅-၄၈၇. ပဉ္စမေ တတော မုဒုတရေဟီတိ ဝိပသ္သနာဝသေန နိသ္သက္ကံ ဝေဒိတဗ္ဗံ။ ပရိပုဏ္ဏာနိ ဟိ ပဉ္စိန္ဒ္ရိယာနိ အရဟတ္တမဂ္ဂသ္သ ဝိပသ္သနိန္ဒ္ရိယာနိ ဟောန္တိ, တတော မုဒုတရာနိ အန္တရာပရိနိဗ္ဗာယိသ္သ ဝိပသ္သနိန္ဒ္ရိယာနိ, တတော မုဒုတရာနိ ဥပဟစ္စပရိနိဗ္ဗာယိသ္သ, တတော မုဒုတရာနိ အသင္ခာရပရိနိဗ္ဗာယိသ္သ, တတော မုဒုတရာနိ သသင္ခာရပရိနိဗ္ဗာယိသ္သ, တတော မုဒုတရာနိ ဥဒ္ဓံသောတအကနိဋ္ဌဂာမိသ္သ ဝိပသ္သနိန္ဒ္ရိယာနိ နာမ ဟောန္တိ။
485-487. Pañcame tato mudutarehīti vipassanāvasena nissakkaṃ veditabbaṃ. Paripuṇṇāni hi pañcindriyāni arahattamaggassa vipassanindriyāni honti, tato mudutarāni antarāparinibbāyissa vipassanindriyāni, tato mudutarāni upahaccaparinibbāyissa, tato mudutarāni asaṅkhāraparinibbāyissa, tato mudutarāni sasaṅkhāraparinibbāyissa, tato mudutarāni uddhaṃsotaakaniṭṭhagāmissa vipassanindriyāni nāma honti.
ဣမသ္မိံ ပန ဌာနေ အရဟတ္တမဂ္ဂေယေဝ ဌတ္ဝာ ပဉ္စ နိသ္သက္ကာနိ နီဟရိတဗ္ဗာနိ။ အရဟတ္တမဂ္ဂသ္သ ဟိ ဝိပသ္သနိန္ဒ္ရိယေဟိ မုဒုတရာနိ ပဌမအန္တရာပရိနိဗ္ဗာယိသ္သ ဝိပသ္သနိန္ဒ္ရိယာနိ, တတော မုဒုတရာနိ ဒုတိယအန္တရာပရိနိဗ္ဗာယိသ္သ, တတော မုဒုတရာနိ တတိယအန္တရာပရိနိဗ္ဗာယိသ္သ, တတော မုဒုတရာနိ ဥပဟစ္စပရိနိဗ္ဗာယိသ္သ, တတော မုဒုတရာနိ ဥဒ္ဓံသောတအကနိဋ္ဌဂာမိသ္သ ဝိပသ္သနိန္ဒ္ရိယာနိ။ အသင္ခာရပရိနိဗ္ဗာယိသ္သ သသင္ခာရပရိနိဗ္ဗာယိနောပိ ဧတေဝ ပဉ္စ ဇနာ။
Imasmiṃ pana ṭhāne arahattamaggeyeva ṭhatvā pañca nissakkāni nīharitabbāni. Arahattamaggassa hi vipassanindriyehi mudutarāni paṭhamaantarāparinibbāyissa vipassanindriyāni, tato mudutarāni dutiyaantarāparinibbāyissa, tato mudutarāni tatiyaantarāparinibbāyissa, tato mudutarāni upahaccaparinibbāyissa, tato mudutarāni uddhaṃsotaakaniṭṭhagāmissa vipassanindriyāni. Asaṅkhāraparinibbāyissa sasaṅkhāraparinibbāyinopi eteva pañca janā.
ဣဒာနိ တီဏိ နိသ္သက္ကာနိ။ သကဒာဂာမိမဂ္ဂသ္သ ဟိ ဣန္ဒ္ရိယေဟိ မုဒုတရာနိ သောတာပတ္တိမဂ္ဂိန္ဒ္ရိယာနိ, သောတာပတ္တိမဂ္ဂေယေဝ ဣန္ဒ္ရိယေဟိ မုဒုတရာနိ ဓမ္မာနုသာရိမဂ္ဂိန္ဒ္ရိယာနိ။ တေဟိပိ မုဒုတရာနိ သဒ္ဓာနုသာရိမဂ္ဂိန္ဒ္ရိယာနိ။ ဆဋ္ဌသတ္တမာနိ ဝုတ္တနယာနေဝ။ ဣမေသု ပန တီသုပိ သုတ္တေသု ပုဗ္ဗဘာဂဝိပသ္သနိန္ဒ္ရိယာနေဝ ကထိတာနိ။
Idāni tīṇi nissakkāni. Sakadāgāmimaggassa hi indriyehi mudutarāni sotāpattimaggindriyāni, sotāpattimaggeyeva indriyehi mudutarāni dhammānusārimaggindriyāni. Tehipi mudutarāni saddhānusārimaggindriyāni. Chaṭṭhasattamāni vuttanayāneva. Imesu pana tīsupi suttesu pubbabhāgavipassanindriyāneva kathitāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၅. ပဌမဝိတ္ထာရသုတ္တံ • 5. Paṭhamavitthārasuttaṃ
၆. ဒုတိယဝိတ္ထာရသုတ္တံ • 6. Dutiyavitthārasuttaṃ
၇. တတိယဝိတ္ထာရသုတ္တံ • 7. Tatiyavitthārasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅-၇. ပဌမဝိတ္ထာရသုတ္တာဒိဝဏ္ဏနာ • 5-7. Paṭhamavitthārasuttādivaṇṇanā
