| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༦. པཋམཝིབྷངྒསུཏྟཝཎྞནཱ
6. Paṭhamavibhaṅgasuttavaṇṇanā
༥༠༦. ཀཱཡིཀནྟི ཨཡམསྶ ནིསྶཡཝསེན ནིདྡེསོཏི ཨཱཧ – ‘‘ཀཱཡཔསཱདཝཏྠུཀ’’ནྟི། སརཱུཔནིདྡེསོ སུཁཾ སུཁིནྡྲིཡསྶ སརཱུཔནྟི། སཱདནཱིཡཊྛེན དྷམྨཔདཱནི ཨཏྟནི ཨསྶཱདཡཏཱིཏི སཱཏཾ, མདྷུརཾ། ཝེདཡིཏནྟི ཝེདིཡནཾ, ཨནུབྷཝནནྟི ཨཏྠོ། ཨཉྙདྷམྨཝིསིཊྛོཏི ཕསྶཱདཱིཧི ཨཉྙེཧི དྷམྨེཧི ཝིསདིསོ། ཀཱཡིཀནྟི པསཱདཀཱཡསནྣིསྶིཏཾ། ཙེཏསིཀནྟི ཙེཏོསནྣིསྶིཏཾ, ཏེན ཝུཏྟཾ ‘‘ཨེཏྠ པནཱ’’ཏིཨཱདི། ཀཱཡཔསཱད…པེ॰… ནཏྠི, ཏསྨཱ ‘‘ཙཏྟཱརོ པསཱདཀཱཡེ ཝཏྠུཾ ཀཏྭཱ’’ཏི ཝུཏྟཾ།
506.Kāyikanti ayamassa nissayavasena niddesoti āha – ‘‘kāyapasādavatthuka’’nti. Sarūpaniddeso sukhaṃ sukhindriyassa sarūpanti. Sādanīyaṭṭhena dhammapadāni attani assādayatīti sātaṃ, madhuraṃ. Vedayitanti vediyanaṃ, anubhavananti attho. Aññadhammavisiṭṭhoti phassādīhi aññehi dhammehi visadiso. Kāyikanti pasādakāyasannissitaṃ. Cetasikanti cetosannissitaṃ, tena vuttaṃ ‘‘ettha panā’’tiādi. Kāyapasāda…pe… natthi, tasmā ‘‘cattāro pasādakāye vatthuṃ katvā’’ti vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. པཋམཝིབྷངྒསུཏྟཾ • 6. Paṭhamavibhaṅgasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. པཋམཝིབྷངྒསུཏྟཝཎྞནཱ • 6. Paṭhamavibhaṅgasuttavaṇṇanā
