| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉-၁၀. ပဌမဝိဘင္ဂသုတ္တာဒိဝဏ္ဏနာ
9-10. Paṭhamavibhaṅgasuttādivaṇṇanā
၄၇၉-၄၈၀. နဝမေ သတိနေပက္ကေနာတိ ဧတ္ထ နိပကသ္သ ဘာဝော နေပက္ကံ, ပညာယေတံ နာမံ။ ကသ္မာ ပန သတိဘာဇနေ ပညာ ဝုတ္တာတိ? သတိယာ ဗလဝဘာဝဒသ္သနတ္ထံ။ ဗလဝသတိ ဟိ ဣဓ အဓိပ္ပေတာ။ သာ စ ပညာသမ္ပယုတ္တာဝ ဗလဝတီ ဟောတိ, န ဝိပ္ပယုတ္တာတိ ပညာသမ္ပယုတ္တသတိံ ဒသ္သေန္တော ဧဝမာဟ။ စိရကတန္တိ စိရကာလံ ကတံ ဒာနံ ဝာ သီလံ ဝာ ဥပောသထကမ္မံ ဝာ။ စိရဘာသိတန္တိ ‘‘အသုကသ္မိံ ဌာနေ အသုကံ နာမ ဘာသိတ’’န္တိ ဧဝံ စိရကာလေ ဘာသိတံ။ ဝောသ္သဂ္ဂာရမ္မဏံ ကတ္ဝာတိ နိဗ္ဗာနာရမ္မဏံ ကတ္ဝာ။ ဥဒယတ္ထဂာမိနိယာတိ ဥဒယဉ္စ အတ္ထဉ္စ ဂစ္ဆန္တိယာ, ဥဒယဗ္ဗယပရိဂ္ဂဟိကာယာတိ အတ္ထော။ ဣမသ္မိံ သုတ္တေ သဒ္ဓာသတိပညိန္ဒ္ရိယာနိ ပုဗ္ဗဘာဂာနိ, ဝီရိယိန္ဒ္ရိယံ မိသ္သကံ, သမာဓိန္ဒ္ရိယံ နိဗ္ဗတ္တိတလောကုတ္တရမေဝ ကထိတံ။ ဒသမေပိ အယမေဝ ဓမ္မပရိစ္ဆေဒောတိ။
479-480. Navame satinepakkenāti ettha nipakassa bhāvo nepakkaṃ, paññāyetaṃ nāmaṃ. Kasmā pana satibhājane paññā vuttāti? Satiyā balavabhāvadassanatthaṃ. Balavasati hi idha adhippetā. Sā ca paññāsampayuttāva balavatī hoti, na vippayuttāti paññāsampayuttasatiṃ dassento evamāha. Cirakatanti cirakālaṃ kataṃ dānaṃ vā sīlaṃ vā uposathakammaṃ vā. Cirabhāsitanti ‘‘asukasmiṃ ṭhāne asukaṃ nāma bhāsita’’nti evaṃ cirakāle bhāsitaṃ. Vossaggārammaṇaṃ katvāti nibbānārammaṇaṃ katvā. Udayatthagāminiyāti udayañca atthañca gacchantiyā, udayabbayapariggahikāyāti attho. Imasmiṃ sutte saddhāsatipaññindriyāni pubbabhāgāni, vīriyindriyaṃ missakaṃ, samādhindriyaṃ nibbattitalokuttarameva kathitaṃ. Dasamepi ayameva dhammaparicchedoti.
သုဒ္ဓိကဝဂ္ဂော ပဌမော။
Suddhikavaggo paṭhamo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၉. ပဌမဝိဘင္ဂသုတ္တံ • 9. Paṭhamavibhaṅgasuttaṃ
၁၀. ဒုတိယဝိဘင္ဂသုတ္တံ • 10. Dutiyavibhaṅgasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉-၁၀. ပဌမဝိဘင္ဂသုတ္တာဒိဝဏ္ဏနာ • 9-10. Paṭhamavibhaṅgasuttādivaṇṇanā
