| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๓. ปฐมเวทนาสุตฺตํ
3. Paṭhamavedanāsuttaṃ
๕๒. วุตฺตเญฺหตํ ภควตา, วุตฺตมรหตาติ เม สุตํ –
52. Vuttañhetaṃ bhagavatā, vuttamarahatāti me sutaṃ –
‘‘ติโสฺส อิมา, ภิกฺขเว, เวทนาฯ กตมา ติโสฺส? สุขา เวทนา, ทุกฺขา เวทนา, อทุกฺขมสุขา เวทนา –
‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā –
อิมา โข, ภิกฺขเว, ติโสฺส เวทนา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
Imā kho, bhikkhave, tisso vedanā’’ti. Etamatthaṃ bhagavā avoca. Tatthetaṃ iti vuccati –
‘‘สมาหิโต สมฺปชาโน, สโต พุทฺธสฺส สาวโก;
‘‘Samāhito sampajāno, sato buddhassa sāvako;
เวทนา จ ปชานาติ, เวทนานญฺจ สมฺภวํฯ
Vedanā ca pajānāti, vedanānañca sambhavaṃ.
‘‘ยตฺถ เจตา นิรุชฺฌนฺติ, มคฺคญฺจ ขยคามินํ;
‘‘Yattha cetā nirujjhanti, maggañca khayagāminaṃ;
เวทนานํ ขยา ภิกฺขุ, นิจฺฉาโต ปรินิพฺพุโต’’ติฯ
Vedanānaṃ khayā bhikkhu, nicchāto parinibbuto’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ ตติยํฯ
Ayampi attho vutto bhagavatā, iti me sutanti. Tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๓. ปฐมเวทนาสุตฺตวณฺณนา • 3. Paṭhamavedanāsuttavaṇṇanā
