| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៩. បឋមវសសុត្តំ
9. Paṭhamavasasuttaṃ
៤០. ‘‘សត្តហិ , ភិក្ខវេ, ធម្មេហិ សមន្នាគតោ ភិក្ខុ ចិត្តំ វសេ 1 វត្តេតិ, នោ ច ភិក្ខុ ចិត្តស្ស វសេន វត្តតិ។ កតមេហិ សត្តហិ? ឥធ, ភិក្ខវេ, ភិក្ខុ សមាធិកុសលោ ហោតិ, សមាធិស្ស សមាបត្តិកុសលោ ហោតិ, សមាធិស្ស ឋិតិកុសលោ ហោតិ, សមាធិស្ស វុដ្ឋានកុសលោ ហោតិ, សមាធិស្ស កល្យាណកុសលោ ហោតិ, សមាធិស្ស គោចរកុសលោ ហោតិ, សមាធិស្ស អភិនីហារកុសលោ ហោតិ។ ឥមេហិ ខោ, ភិក្ខវេ, សត្តហិ ធម្មេហិ សមន្នាគតោ ភិក្ខុ ចិត្តំ វសេ វត្តេតិ, នោ ច ភិក្ខុ ចិត្តស្ស វសេន វត្តតី’’តិ។ នវមំ។
40. ‘‘Sattahi , bhikkhave, dhammehi samannāgato bhikkhu cittaṃ vase 2 vatteti, no ca bhikkhu cittassa vasena vattati. Katamehi sattahi? Idha, bhikkhave, bhikkhu samādhikusalo hoti, samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, samādhissa kalyāṇakusalo hoti, samādhissa gocarakusalo hoti, samādhissa abhinīhārakusalo hoti. Imehi kho, bhikkhave, sattahi dhammehi samannāgato bhikkhu cittaṃ vase vatteti, no ca bhikkhu cittassa vasena vattatī’’ti. Navamaṃ.
Footnotes:
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦-១១. ទុតិយមិត្តសុត្តាទិវណ្ណនា • 6-11. Dutiyamittasuttādivaṇṇanā
