| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. པཋམཨུཔྤཱདསུཏྟཾ
4. Paṭhamauppādasuttaṃ
༡༤. སཱཝཏྠིནིདཱནཾ། ‘‘ཨཊྛིམེ, བྷིཀྑཝེ, དྷམྨཱ བྷཱཝིཏཱ བཧུལཱིཀཏཱ ཨནུཔྤནྣཱ ཨུཔྤཛྫནྟི, ནཱཉྙཏྲ ཏཐཱགཏསྶ པཱཏུབྷཱཝཱ ཨརཧཏོ སམྨཱསམྦུདྡྷསྶ། ཀཏམེ ཨཊྛ? སེཡྻཐིདཾ – སམྨཱདིཊྛི…པེ॰… སམྨཱསམཱདྷི། ཨིམེ ཁོ, བྷིཀྑཝེ, ཨཊྛ དྷམྨཱ བྷཱཝིཏཱ བཧུལཱིཀཏཱ ཨནུཔྤནྣཱ ཨུཔྤཛྫནྟི, ནཱཉྙཏྲ ཏཐཱགཏསྶ པཱཏུབྷཱཝཱ ཨརཧཏོ སམྨཱསམྦུདྡྷསྶཱ’’ཏི། ཙཏུཏྠཾ།
14. Sāvatthinidānaṃ. ‘‘Aṭṭhime, bhikkhave, dhammā bhāvitā bahulīkatā anuppannā uppajjanti, nāññatra tathāgatassa pātubhāvā arahato sammāsambuddhassa. Katame aṭṭha? Seyyathidaṃ – sammādiṭṭhi…pe… sammāsamādhi. Ime kho, bhikkhave, aṭṭha dhammā bhāvitā bahulīkatā anuppannā uppajjanti, nāññatra tathāgatassa pātubhāvā arahato sammāsambuddhassā’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣-༧. སེཀྑསུཏྟཱདིཝཎྞནཱ • 3-7. Sekkhasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣-༧. སེཀྑསུཏྟཱདིཝཎྞནཱ • 3-7. Sekkhasuttādivaṇṇanā
