| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਪਠਮਉਪਟ੍ਠਾਕਸੁਤ੍ਤਂ
3. Paṭhamaupaṭṭhākasuttaṃ
੧੨੩. ‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਗਿਲਾਨੋ ਦੂਪਟ੍ਠਾਕੋ 1 ਹੋਤਿ। ਕਤਮੇਹਿ ਪਞ੍ਚਹਿ? ਅਸਪ੍ਪਾਯਕਾਰੀ ਹੋਤਿ, ਸਪ੍ਪਾਯੇ ਮਤ੍ਤਂ ਨ ਜਾਨਾਤਿ, ਭੇਸਜ੍ਜਂ ਨਪ੍ਪਟਿਸੇવਿਤਾ ਹੋਤਿ, ਅਤ੍ਥਕਾਮਸ੍ਸ ਗਿਲਾਨੁਪਟ੍ਠਾਕਸ੍ਸ ਨ ਯਥਾਭੂਤਂ ਆਬਾਧਂ ਆવਿਕਤ੍ਤਾ ਹੋਤਿ ਅਭਿਕ੍ਕਮਨ੍ਤਂ વਾ ਅਭਿਕ੍ਕਮਤੀਤਿ ਪਟਿਕ੍ਕਮਨ੍ਤਂ વਾ ਪਟਿਕ੍ਕਮਤੀਤਿ ਠਿਤਂ વਾ ਠਿਤੋਤਿ, ਉਪ੍ਪਨ੍ਨਾਨਂ ਸਾਰੀਰਿਕਾਨਂ વੇਦਨਾਨਂ ਦੁਕ੍ਖਾਨਂ ਤਿਬ੍ਬਾਨਂ 2 ਖਰਾਨਂ ਕਟੁਕਾਨਂ ਅਸਾਤਾਨਂ ਅਮਨਾਪਾਨਂ ਪਾਣਹਰਾਨਂ ਅਨਧਿવਾਸਕਜਾਤਿਕੋ ਹੋਤਿ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਗਿਲਾਨੋ ਦੂਪਟ੍ਠਾਕੋ ਹੋਤਿ।
123. ‘‘Pañcahi, bhikkhave, dhammehi samannāgato gilāno dūpaṭṭhāko 3 hoti. Katamehi pañcahi? Asappāyakārī hoti, sappāye mattaṃ na jānāti, bhesajjaṃ nappaṭisevitā hoti, atthakāmassa gilānupaṭṭhākassa na yathābhūtaṃ ābādhaṃ āvikattā hoti abhikkamantaṃ vā abhikkamatīti paṭikkamantaṃ vā paṭikkamatīti ṭhitaṃ vā ṭhitoti, uppannānaṃ sārīrikānaṃ vedanānaṃ dukkhānaṃ tibbānaṃ 4 kharānaṃ kaṭukānaṃ asātānaṃ amanāpānaṃ pāṇaharānaṃ anadhivāsakajātiko hoti. Imehi kho, bhikkhave, pañcahi dhammehi samannāgato gilāno dūpaṭṭhāko hoti.
‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਗਿਲਾਨੋ ਸੂਪਟ੍ਠਾਕੋ ਹੋਤਿ। ਕਤਮੇਹਿ ਪਞ੍ਚਹਿ? ਸਪ੍ਪਾਯਕਾਰੀ ਹੋਤਿ, ਸਪ੍ਪਾਯੇ ਮਤ੍ਤਂ ਜਾਨਾਤਿ, ਭੇਸਜ੍ਜਂ ਪਟਿਸੇવਿਤਾ ਹੋਤਿ, ਅਤ੍ਥਕਾਮਸ੍ਸ ਗਿਲਾਨੁਪਟ੍ਠਾਕਸ੍ਸ ਯਥਾਭੂਤਂ ਆਬਾਧਂ ਆવਿਕਤ੍ਤਾ ਹੋਤਿ ਅਭਿਕ੍ਕਮਨ੍ਤਂ વਾ ਅਭਿਕ੍ਕਮਤੀਤਿ ਪਟਿਕ੍ਕਮਨ੍ਤਂ વਾ ਪਟਿਕ੍ਕਮਤੀਤਿ ਠਿਤਂ વਾ ਠਿਤੋਤਿ, ਉਪ੍ਪਨ੍ਨਾਨਂ ਸਾਰੀਰਿਕਾਨਂ વੇਦਨਾਨਂ ਦੁਕ੍ਖਾਨਂ ਤਿਬ੍ਬਾਨਂ ਖਰਾਨਂ ਕਟੁਕਾਨਂ ਅਸਾਤਾਨਂ ਅਮਨਾਪਾਨਂ ਪਾਣਹਰਾਨਂ ਅਧਿવਾਸਕਜਾਤਿਕੋ ਹੋਤਿ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਗਿਲਾਨੋ ਸੂਪਟ੍ਠਾਕੋ ਹੋਤੀ’’ਤਿ। ਤਤਿਯਂ।
‘‘Pañcahi, bhikkhave, dhammehi samannāgato gilāno sūpaṭṭhāko hoti. Katamehi pañcahi? Sappāyakārī hoti, sappāye mattaṃ jānāti, bhesajjaṃ paṭisevitā hoti, atthakāmassa gilānupaṭṭhākassa yathābhūtaṃ ābādhaṃ āvikattā hoti abhikkamantaṃ vā abhikkamatīti paṭikkamantaṃ vā paṭikkamatīti ṭhitaṃ vā ṭhitoti, uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko hoti. Imehi kho, bhikkhave, pañcahi dhammehi samannāgato gilāno sūpaṭṭhāko hotī’’ti. Tatiyaṃ.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੩. ਮਚ੍ਛਰਿਨੀਸੁਤ੍ਤਾਦਿવਣ੍ਣਨਾ • 5-13. Maccharinīsuttādivaṇṇanā
