| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. པཋམཨུཔཊྛཱཀསུཏྟཾ
3. Paṭhamaupaṭṭhākasuttaṃ
༡༢༣. ‘‘པཉྩཧི, བྷིཀྑཝེ, དྷམྨེཧི སམནྣཱགཏོ གིལཱནོ དཱུཔཊྛཱཀོ 1 ཧོཏི། ཀཏམེཧི པཉྩཧི? ཨསཔྤཱཡཀཱརཱི ཧོཏི, སཔྤཱཡེ མཏྟཾ ན ཛཱནཱཏི, བྷེསཛྫཾ ནཔྤཊིསེཝིཏཱ ཧོཏི, ཨཏྠཀཱམསྶ གིལཱནུཔཊྛཱཀསྶ ན ཡཐཱབྷཱུཏཾ ཨཱབཱདྷཾ ཨཱཝིཀཏྟཱ ཧོཏི ཨབྷིཀྐམནྟཾ ཝཱ ཨབྷིཀྐམཏཱིཏི པཊིཀྐམནྟཾ ཝཱ པཊིཀྐམཏཱིཏི ཋིཏཾ ཝཱ ཋིཏོཏི, ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ 2 ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨནདྷིཝཱསཀཛཱཏིཀོ ཧོཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ གིལཱནོ དཱུཔཊྛཱཀོ ཧོཏི།
123. ‘‘Pañcahi, bhikkhave, dhammehi samannāgato gilāno dūpaṭṭhāko 3 hoti. Katamehi pañcahi? Asappāyakārī hoti, sappāye mattaṃ na jānāti, bhesajjaṃ nappaṭisevitā hoti, atthakāmassa gilānupaṭṭhākassa na yathābhūtaṃ ābādhaṃ āvikattā hoti abhikkamantaṃ vā abhikkamatīti paṭikkamantaṃ vā paṭikkamatīti ṭhitaṃ vā ṭhitoti, uppannānaṃ sārīrikānaṃ vedanānaṃ dukkhānaṃ tibbānaṃ 4 kharānaṃ kaṭukānaṃ asātānaṃ amanāpānaṃ pāṇaharānaṃ anadhivāsakajātiko hoti. Imehi kho, bhikkhave, pañcahi dhammehi samannāgato gilāno dūpaṭṭhāko hoti.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ གིལཱནོ སཱུཔཊྛཱཀོ ཧོཏི། ཀཏམེཧི པཉྩཧི? སཔྤཱཡཀཱརཱི ཧོཏི, སཔྤཱཡེ མཏྟཾ ཛཱནཱཏི, བྷེསཛྫཾ པཊིསེཝིཏཱ ཧོཏི, ཨཏྠཀཱམསྶ གིལཱནུཔཊྛཱཀསྶ ཡཐཱབྷཱུཏཾ ཨཱབཱདྷཾ ཨཱཝིཀཏྟཱ ཧོཏི ཨབྷིཀྐམནྟཾ ཝཱ ཨབྷིཀྐམཏཱིཏི པཊིཀྐམནྟཾ ཝཱ པཊིཀྐམཏཱིཏི ཋིཏཾ ཝཱ ཋིཏོཏི, ཨུཔྤནྣཱནཾ སཱརཱིརིཀཱནཾ ཝེདནཱནཾ དུཀྑཱནཾ ཏིབྦཱནཾ ཁརཱནཾ ཀཊུཀཱནཾ ཨསཱཏཱནཾ ཨམནཱཔཱནཾ པཱཎཧརཱནཾ ཨདྷིཝཱསཀཛཱཏིཀོ ཧོཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ གིལཱནོ སཱུཔཊྛཱཀོ ཧོཏཱི’’ཏི། ཏཏིཡཾ།
‘‘Pañcahi, bhikkhave, dhammehi samannāgato gilāno sūpaṭṭhāko hoti. Katamehi pañcahi? Sappāyakārī hoti, sappāye mattaṃ jānāti, bhesajjaṃ paṭisevitā hoti, atthakāmassa gilānupaṭṭhākassa yathābhūtaṃ ābādhaṃ āvikattā hoti abhikkamantaṃ vā abhikkamatīti paṭikkamantaṃ vā paṭikkamatīti ṭhitaṃ vā ṭhitoti, uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko hoti. Imehi kho, bhikkhave, pañcahi dhammehi samannāgato gilāno sūpaṭṭhāko hotī’’ti. Tatiyaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༣. མཙྪརིནཱིསུཏྟཱདིཝཎྞནཱ • 5-13. Maccharinīsuttādivaṇṇanā
