| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๔. ปฐมอุปสฺสยทายกวิมานวตฺถุ
4. Paṭhamaupassayadāyakavimānavatthu
๑๐๖๙.
1069.
‘‘จโนฺท ยถา วิคตวลาหเก นเภ, โอภาสยํ คจฺฉติ อนฺตลิเกฺข;
‘‘Cando yathā vigatavalāhake nabhe, obhāsayaṃ gacchati antalikkhe;
ตถูปมํ ตุยฺหมิทํ วิมานํ, โอภาสยํ ติฎฺฐติ อนฺตลิเกฺขฯ
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
๑๐๗๐.
1070.
‘‘เทวิทฺธิปโตฺตสิ มหานุภาวา, มนุสฺสภูโต กิมกาสิ ปุญฺญํ;
‘‘Deviddhipattosi mahānubhāvā, manussabhūto kimakāsi puññaṃ;
เกนาสิ เอวํ ชลิตานุภาโว, วโณฺณ จ เต สพฺพทิสา ปภาสตี’’ติฯ
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
๑๐๗๑.
1071.
โส เทวปุโตฺต อตฺตมโน…เป.… ยสฺส กมฺมสฺสิทํ ผลํฯ
So devaputto attamano…pe… yassa kammassidaṃ phalaṃ.
๑๐๗๒.
1072.
‘‘อหญฺจ ภริยา จ มนุสฺสโลเก, อุปสฺสยํ อรหโต อทมฺห;
‘‘Ahañca bhariyā ca manussaloke, upassayaṃ arahato adamha;
อนฺนญฺจ ปานญฺจ ปสนฺนจิตฺตา, สกฺกจฺจ ทานํ วิปุลํ อทมฺหฯ
Annañca pānañca pasannacittā, sakkacca dānaṃ vipulaṃ adamha.
๑๐๗๓.
1073.
‘‘เตน เมตาทิโส วโณฺณ…เป.… วโณฺณ จ เม สพฺพทิสา ปภาสตี’’ติฯ
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
ปฐมอุปสฺสยทายกวิมานํ จตุตฺถํฯ
Paṭhamaupassayadāyakavimānaṃ catutthaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๔. ปฐมอุปสฺสยทายกวิมานวณฺณนา • 4. Paṭhamaupassayadāyakavimānavaṇṇanā
