| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౮. పఠమఉచ్చారఛడ్డనసిక్ఖాపదవణ్ణనా
8. Paṭhamauccārachaḍḍanasikkhāpadavaṇṇanā
తిరోకుట్టేతి ఘరకుట్టస్స పరభాగే. తిరోపాకారేతి పరిక్ఖేపపాకారస్స తిరోభాగే, తే చ ఖో కుట్టపాకారా ఇట్ఠకసిలదారూనం వసేన తిప్పకారాతి ఆహ ‘‘యస్స కస్సచి కుట్టస్స వా పాకారస్స వా పరతో’’తి. సబ్బానిపేతాని ఏకతో ఛడ్డేన్తియాతి ఏతాని చత్తారిపి వత్థూని ఏకతో ఛడ్డేన్తియా. పాటేక్కం పన ఛడ్డేన్తియా వత్థుగణనాయ ఆపత్తియో. ఆణత్తియమ్పి ఏసేవ నయో.
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
భిక్ఖుస్స దుక్కటన్తి భిక్ఖుస్స సబ్బత్థ దుక్కటం.
Bhikkhussa dukkaṭanti bhikkhussa sabbattha dukkaṭaṃ.
పఠమఉచ్చారఛడ్డనసిక్ఖాపదవణ్ణనా నిట్ఠితా.
Paṭhamauccārachaḍḍanasikkhāpadavaṇṇanā niṭṭhitā.
