| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਪਠਮਤਥਾਗਤਅਚ੍ਛਰਿਯਸੁਤ੍ਤવਣ੍ਣਨਾ
7. Paṭhamatathāgataacchariyasuttavaṇṇanā
੧੨੭. ਸਤ੍ਤਮੇ ਪਾਤੁਭਾવਾਤਿ ਪਾਤੁਭਾવੇਨ। ਕੁਚ੍ਛਿਂ ਓਕ੍ਕਮਤੀਤਿ ਏਤ੍ਥ ਕੁਚ੍ਛਿਂ ਓਕ੍ਕਨ੍ਤੋ ਹੋਤੀਤਿ ਅਤ੍ਥੋ। ਓਕ੍ਕਨ੍ਤੇ ਹਿ ਤਸ੍ਮਿਂ ਏવਂ ਹੋਤਿ, ਨ ਓਕ੍ਕਮਮਾਨੇ। ਅਪ੍ਪਮਾਣੋਤਿ વੁਡ੍ਢਿਪ੍ਪਮਾਣੋ, વਿਪੁਲੋਤਿ ਅਤ੍ਥੋ। ਉਲ਼ਾਰੋਤਿ ਤਸ੍ਸੇવ વੇવਚਨਂ। ਦੇવਾਨਂ ਦੇવਾਨੁਭਾવਨ੍ਤਿ ਏਤ੍ਥ ਦੇવਾਨਂ ਅਯਮਾਨੁਭਾવੋ – ਨਿવਤ੍ਥવਤ੍ਥਸ੍ਸ ਪਭਾ ਦ੍વਾਦਸ ਯੋਜਨਾਨਿ ਫਰਤਿ, ਤਥਾ ਸਰੀਰਸ੍ਸ, ਤਥਾ વਿਮਾਨਸ੍ਸ, ਤਂ ਅਤਿਕ੍ਕਮਿਤ੍વਾਤਿ ਅਤ੍ਥੋ। ਲੋਕਨ੍ਤਰਿਕਾਤਿ ਤਿਣ੍ਣਂ ਤਿਣ੍ਣਂ ਚਕ੍ਕવਾਲ਼ਾਨਂ ਅਨ੍ਤਰਾ ਏਕੇਕੋ ਲੋਕਨ੍ਤਰਿਕੋ ਹੋਤਿ, ਤਿਣ੍ਣਂ ਸਕਟਚਕ੍ਕਾਨਂ ਪਤ੍ਤਾਨਂ વਾ ਅਞ੍ਞਮਞ੍ਞਂ ਆਹਚ੍ਚ ਠਪਿਤਾਨਂ ਮਜ੍ਝੇ ਓਕਾਸੋ વਿਯ। ਸੋ ਪਨ ਲੋਕਨ੍ਤਰਿਕਨਿਰਯੋ ਪਰਿਮਾਣਤੋ ਅਟ੍ਠਯੋਜਨਸਹਸ੍ਸਪ੍ਪਮਾਣੋ ਹੋਤਿ। ਅਘਾਤਿ ਨਿਚ੍ਚવਿવਟਾ। ਅਸਂવੁਤਾਤਿ ਹੇਟ੍ਠਾਪਿ ਅਪ੍ਪਤਿਟ੍ਠਾ। ਅਨ੍ਧਕਾਰਾਤਿ ਤਮਭੂਤਾ। ਅਨ੍ਧਕਾਰਤਿਮਿਸਾਤਿ ਚਕ੍ਖੁવਿਞ੍ਞਾਣੁਪ੍ਪਤ੍ਤਿਨਿવਾਰਣਤੋ ਅਨ੍ਧਭਾવਕਰਣਤਿਮਿਸਾਯ ਸਮਨ੍ਨਾਗਤਾ। ਤਤ੍ਥ ਕਿਰ ਚਕ੍ਖੁવਿਞ੍ਞਾਣਂ ਨ ਜਾਯਤਿ। ਏવਂਮਹਿਦ੍ਧਿਕਾਨਨ੍ਤਿ ਚਨ੍ਦਿਮਸੂਰਿਯਾ ਕਿਰ ਏਕਪ੍ਪਹਾਰੇਨੇવ ਤੀਸੁ ਦੀਪੇਸੁ ਪਞ੍ਞਾਯਨ੍ਤਿ, ਏવਂਮਹਿਦ੍ਧਿਕਾ। ਏਕੇਕਾਯ ਦਿਸਾਯ ਨવ ਨવ ਯੋਜਨਸਤਸਹਸ੍ਸਾਨਿ ਅਨ੍ਧਕਾਰਂ વਿਧਮਿਤ੍વਾ ਆਲੋਕਂ ਦਸ੍ਸੇਨ੍ਤਿ, ਏવਂਮਹਾਨੁਭਾવਾ। ਆਭਾ ਨਾਨੁਭੋਨ੍ਤੀਤਿ ਪਭਾ ਨਪ੍ਪਹੋਨ੍ਤਿ। ਤੇ ਕਿਰ ਚਕ੍ਕવਾਲ਼ਪਬ੍ਬਤਸ੍ਸ વੇਮਜ੍ਝੇਨ ਚਰਨ੍ਤਿ ਚਕ੍ਕવਾਲ਼ਪਬ੍ਬਤਞ੍ਚ ਅਤਿਕ੍ਕਮਿਤ੍વਾ ਲੋਕਨ੍ਤਰਨਿਰਯਾ। ਤਸ੍ਮਾ ਤੇਸਂ ਤਤ੍ਥ ਆਭਾ ਨਪ੍ਪਹੋਨ੍ਤਿ।
127. Sattame pātubhāvāti pātubhāvena. Kucchiṃ okkamatīti ettha kucchiṃ okkanto hotīti attho. Okkante hi tasmiṃ evaṃ hoti, na okkamamāne. Appamāṇoti vuḍḍhippamāṇo, vipuloti attho. Uḷāroti tasseva vevacanaṃ. Devānaṃ devānubhāvanti ettha devānaṃ ayamānubhāvo – nivatthavatthassa pabhā dvādasa yojanāni pharati, tathā sarīrassa, tathā vimānassa, taṃ atikkamitvāti attho. Lokantarikāti tiṇṇaṃ tiṇṇaṃ cakkavāḷānaṃ antarā ekeko lokantariko hoti, tiṇṇaṃ sakaṭacakkānaṃ pattānaṃ vā aññamaññaṃ āhacca ṭhapitānaṃ majjhe okāso viya. So pana lokantarikanirayo parimāṇato aṭṭhayojanasahassappamāṇo hoti. Aghāti niccavivaṭā. Asaṃvutāti heṭṭhāpi appatiṭṭhā. Andhakārāti tamabhūtā. Andhakāratimisāti cakkhuviññāṇuppattinivāraṇato andhabhāvakaraṇatimisāya samannāgatā. Tattha kira cakkhuviññāṇaṃ na jāyati. Evaṃmahiddhikānanti candimasūriyā kira ekappahāreneva tīsu dīpesu paññāyanti, evaṃmahiddhikā. Ekekāya disāya nava nava yojanasatasahassāni andhakāraṃ vidhamitvā ālokaṃ dassenti, evaṃmahānubhāvā. Ābhā nānubhontīti pabhā nappahonti. Te kira cakkavāḷapabbatassa vemajjhena caranti cakkavāḷapabbatañca atikkamitvā lokantaranirayā. Tasmā tesaṃ tattha ābhā nappahonti.
ਯੇਪਿ ਤਤ੍ਥ ਸਤ੍ਤਾਤਿ ਯੇਪਿ ਤਸ੍ਮਿਂ ਲੋਕਨ੍ਤਰਮਹਾਨਿਰਯੇ ਸਤ੍ਤਾ ਉਪਪਨ੍ਨਾ। ਕਿਂ ਪਨ ਕਮ੍ਮਂ ਕਤ੍વਾ ਤਤ੍ਥ ਉਪ੍ਪਜ੍ਜਨ੍ਤੀਤਿ? ਭਾਰਿਯਂ ਦਾਰੁਣਂ ਮਾਤਾਪਿਤੂਨਂ ਧਮ੍ਮਿਕਸਮਣਬ੍ਰਾਹ੍ਮਣਾਨਞ੍ਚ ਉਪਰਿ ਅਪਰਾਧਂ, ਅਞ੍ਞਞ੍ਚ ਦਿવਸੇ ਦਿવਸੇ ਪਾਣવਧਾਦਿਸਾਹਸਿਕਕਮ੍ਮਂ ਕਤ੍વਾ ਉਪ੍ਪਜ੍ਜਨ੍ਤਿ ਤਮ੍ਬਪਣ੍ਣਿਦੀਪੇ ਅਭਯਚੋਰਨਾਗਚੋਰਾਦਯੋ વਿਯ। ਤੇਸਂ ਅਤ੍ਤਭਾવੋ ਤਿਗਾવੁਤਿਕੋ ਹੋਤਿ, વਗ੍ਗੁਲੀਨਂ વਿਯ ਦੀਘਨਖਾ ਹੋਨ੍ਤਿ। ਤੇ ਰੁਕ੍ਖੇ વਗ੍ਗੁਲਿਯੋ વਿਯ ਨਖੇਹਿ ਚਕ੍ਕવਾਲ਼ਪਬ੍ਬਤਪਾਦੇ ਲਗ੍ਗਨ੍ਤਿ। ਯਦਾ ਸਂਸਪ੍ਪਨ੍ਤਾ ਅਞ੍ਞਮਞ੍ਞਸ੍ਸ ਹਤ੍ਥਪਾਸਗਤਾ ਹੋਨ੍ਤਿ, ਅਥ ‘‘ਭਕ੍ਖੋ ਨੋ ਲਦ੍ਧੋ’’ਤਿ ਮਞ੍ਞਮਾਨਾ ਤਤ੍ਥ ਬ੍ਯਾવਟਾ વਿਪਰਿવਤ੍ਤਿਤ੍વਾ ਲੋਕਸਨ੍ਧਾਰਕਉਦਕੇ ਪਤਨ੍ਤਿ, વਾਤੇ ਪਹਰਨ੍ਤੇਪਿ ਮਧੁਕਫਲਾਨਿ વਿਯ ਛਿਜ੍ਜਿਤ੍વਾ ਉਦਕੇ ਪਤਨ੍ਤਿ, ਪਤਿਤਮਤ੍ਤਾવ ਅਚ੍ਚਨ੍ਤਖਾਰੇ ਉਦਕੇ ਪਿਟ੍ਠਪਿਣ੍ਡਿ વਿਯ વਿਲੀਯਨ੍ਤਿ। ਅਞ੍ਞੇਪਿ ਕਿਰ ਭੋ ਸਨ੍ਤਿ ਸਤ੍ਤਾਤਿ ਭੋ ਯਥਾ ਮਯਂ ਮਹਾਦੁਕ੍ਖਂ ਅਨੁਭવਾਮ, ਏવਂ ਅਞ੍ਞੇਪਿ ਕਿਰ ਸਤ੍ਤਾ ਇਦਂ ਦੁਕ੍ਖਂ ਅਨੁਭવਨਤ੍ਥਾਯ ਇਧੂਪਪਨ੍ਨਾਤਿ ਤਂਦਿવਸਂ ਪਸ੍ਸਨ੍ਤਿ। ਅਯਂ ਪਨ ਓਭਾਸੋ ਏਕਯਾਗੁਪਾਨਮਤ੍ਤਮ੍ਪਿ ਨ ਤਿਟ੍ਠਤਿ। ਯਾવਤਾ ਨਿਦ੍ਦਾਯਿਤ੍વਾ ਪਬੁਦ੍ਧੋ ਆਰਮ੍ਮਣਂ વਿਭਾવੇਤਿ , ਤਤ੍ਤਕਂ ਕਾਲਂ ਹੋਤਿ। ਦੀਘਭਾਣਕਾ ਪਨ ‘‘ਅਚ੍ਛਰਾਸਙ੍ਘਾਤਮਤ੍ਤਮੇવ વਿਜ੍ਜੁਓਭਾਸੋ વਿਯ ਨਿਚ੍ਛਰਿਤ੍વਾ ਕਿਂ ਇਦਨ੍ਤਿ ਭਣਨ੍ਤਾਨਂਯੇવ ਅਨ੍ਤਰਧਾਯਤੀ’’ਤਿ વਦਨ੍ਤਿ।
Yepi tattha sattāti yepi tasmiṃ lokantaramahāniraye sattā upapannā. Kiṃ pana kammaṃ katvā tattha uppajjantīti? Bhāriyaṃ dāruṇaṃ mātāpitūnaṃ dhammikasamaṇabrāhmaṇānañca upari aparādhaṃ, aññañca divase divase pāṇavadhādisāhasikakammaṃ katvā uppajjanti tambapaṇṇidīpe abhayacoranāgacorādayo viya. Tesaṃ attabhāvo tigāvutiko hoti, vaggulīnaṃ viya dīghanakhā honti. Te rukkhe vagguliyo viya nakhehi cakkavāḷapabbatapāde lagganti. Yadā saṃsappantā aññamaññassa hatthapāsagatā honti, atha ‘‘bhakkho no laddho’’ti maññamānā tattha byāvaṭā viparivattitvā lokasandhārakaudake patanti, vāte paharantepi madhukaphalāni viya chijjitvā udake patanti, patitamattāva accantakhāre udake piṭṭhapiṇḍi viya vilīyanti. Aññepi kira bho santi sattāti bho yathā mayaṃ mahādukkhaṃ anubhavāma, evaṃ aññepi kira sattā idaṃ dukkhaṃ anubhavanatthāya idhūpapannāti taṃdivasaṃ passanti. Ayaṃ pana obhāso ekayāgupānamattampi na tiṭṭhati. Yāvatā niddāyitvā pabuddho ārammaṇaṃ vibhāveti , tattakaṃ kālaṃ hoti. Dīghabhāṇakā pana ‘‘accharāsaṅghātamattameva vijjuobhāso viya niccharitvā kiṃ idanti bhaṇantānaṃyeva antaradhāyatī’’ti vadanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪਠਮਤਥਾਗਤਅਚ੍ਛਰਿਯਸੁਤ੍ਤਂ • 7. Paṭhamatathāgataacchariyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਪਠਮਤਥਾਗਤਅਚ੍ਛਰਿਯਸੁਤ੍ਤવਣ੍ਣਨਾ • 7. Paṭhamatathāgataacchariyasuttavaṇṇanā
