| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁਪਾਲ਼ਿ • Vimānavatthupāḷi |
੧੩. ਪਠਮਸੁਣਿਸਾવਿਮਾਨવਤ੍ਥੁ
13. Paṭhamasuṇisāvimānavatthu
੧੦੮.
108.
‘‘ਅਭਿਕ੍ਕਨ੍ਤੇਨ વਣ੍ਣੇਨ, ਯਾ ਤ੍વਂ ਤਿਟ੍ਠਸਿ ਦੇવਤੇ।
‘‘Abhikkantena vaṇṇena, yā tvaṃ tiṭṭhasi devate;
ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ વਿਯ ਤਾਰਕਾ॥
Obhāsentī disā sabbā, osadhī viya tārakā.
੧੦੯.
109.
‘‘ਕੇਨ ਤੇਤਾਦਿਸੋ વਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ।
‘‘Kena tetādiso vaṇṇo, kena te idha mijjhati;
ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca te bhogā, ye keci manaso piyā.
੧੧੦.
110.
‘‘ਪੁਚ੍ਛਾਮਿ ਤਂ ਦੇવਿ ਮਹਾਨੁਭਾવੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ।
‘‘Pucchāmi taṃ devi mahānubhāve, manussabhūtā kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
੧੧੧.
111.
ਸਾ ਦੇવਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ।
Sā devatā attamanā, moggallānena pucchitā;
ਪਞ੍ਹਂ ਪੁਟ੍ਠਾ વਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ॥
Pañhaṃ puṭṭhā viyākāsi, yassa kammassidaṃ phalaṃ.
੧੧੨.
112.
‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਸੁਣਿਸਾ ਅਹੋਸਿਂ ਸਸੁਰਸ੍ਸ ਗੇਹੇ 1॥
‘‘Ahaṃ manussesu manussabhūtā, suṇisā ahosiṃ sasurassa gehe 2.
੧੧੩.
113.
‘‘ਅਦ੍ਦਸਂ વਿਰਜਂ ਭਿਕ੍ਖੁਂ, વਿਪ੍ਪਸਨ੍ਨਮਨਾવਿਲਂ।
‘‘Addasaṃ virajaṃ bhikkhuṃ, vippasannamanāvilaṃ;
ਤਸ੍ਸ ਅਦਾਸਹਂ ਪੂવਂ, ਪਸਨ੍ਨਾ ਸੇਹਿ ਪਾਣਿਭਿ।
Tassa adāsahaṃ pūvaṃ, pasannā sehi pāṇibhi;
ਭਾਗਡ੍ਢਭਾਗਂ ਦਤ੍વਾਨ, ਮੋਦਾਮਿ ਨਨ੍ਦਨੇ વਨੇ॥
Bhāgaḍḍhabhāgaṃ datvāna, modāmi nandane vane.
੧੧੪.
114.
‘‘ਤੇਨ ਮੇਤਾਦਿਸੋ વਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ।
‘‘Tena metādiso vaṇṇo, tena me idha mijjhati;
ਉਪ੍ਪਜ੍ਜਨ੍ਤਿ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca me bhogā, ye keci manaso piyā.
੧੧੫.
115.
‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾવ, ਮਨੁਸ੍ਸਭੂਤਾ ਯਮਕਾਸਿ ਪੁਞ੍ਞਂ।
‘‘Akkhāmi te bhikkhu mahānubhāva, manussabhūtā yamakāsi puññaṃ;
ਤੇਨਮ੍ਹਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
ਪਠਮਸੁਣਿਸਾવਿਮਾਨਂ ਤੇਰਸਮਂ।
Paṭhamasuṇisāvimānaṃ terasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā / ੧੩. ਪਠਮਸੁਣਿਸਾવਿਮਾਨવਣ੍ਣਨਾ • 13. Paṭhamasuṇisāvimānavaṇṇanā
