| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৫-৭. পঠমসুখসুত্তাদিৰণ্ণনা
5-7. Paṭhamasukhasuttādivaṇṇanā
৬৫-৬৭. পঞ্চমে ৰট্টমূলকং সুখদুক্খং পুচ্ছিতং, ছট্ঠে সাসনমূলকং। সত্তমে নল়কপানন্তি অতীতে বোধিসত্তস্স ওৰাদে ঠত্ৰা ৰানরযূথেন নল়েহি উদকস্স পীতট্ঠানে মাপিতত্তা এৰংলদ্ধনামো নিগমো। তুণ্হীভূতং তুণ্হীভূতন্তি যং যং দিসং অনুৰিলোকেতি, তত্থ তত্থ তুণ্হীভূতমেৰ। অনুৰিলোকেত্ৰাতি ততো ততো ৰিলোকেত্ৰা। পিট্ঠি মে আগিলাযতীতি কস্মা আগিলাযতি? ভগৰতো হি ছ ৰস্সানি মহাপধানং পদহন্তস্স মহন্তং কাযদুক্খং অহোসি, অথস্স অপরভাগে মহল্লককালে পিট্ঠিৰাতো উপ্পজ্জি। উপাদিন্নকসরীরস্স ঠাননিসজ্জাদীহি অপ্পমত্তকেন আবাধেন ন সক্কা কেনচি ভৰিতুং। তং গহেত্ৰাপি থেরস্স ওকাসকরণত্থং এৰমাহ। সঙ্ঘাটিং পঞ্ঞাপেত্ৰা একমন্তে পতিরূপট্ঠানে পঞ্ঞত্তস্স কপ্পিযমঞ্চস্স উপরি অত্থরিত্ৰা।
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. পঠমসুখসুত্তং • 5. Paṭhamasukhasuttaṃ
৬. দুতিযসুখসুত্তং • 6. Dutiyasukhasuttaṃ
৭. পঠমনল়কপানসুত্তং • 7. Paṭhamanaḷakapānasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৭. অৰিজ্জাসুত্তাদিৰণ্ণনা • 1-7. Avijjāsuttādivaṇṇanā
