| Library / Tipiṭaka / তিপিটক • Tipiṭaka / ৰিমানৰত্থুপাল়ি • Vimānavatthupāḷi |
৮. পঠমসূচিৰিমানৰত্থু
8. Paṭhamasūcivimānavatthu
৯৪৪.
944.
‘‘উচ্চমিদং মণিথূণং ৰিমানং, সমন্ততো দ্ৰাদস যোজনানি।
‘‘Uccamidaṃ maṇithūṇaṃ vimānaṃ, samantato dvādasa yojanāni;
কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা॥
Kūṭāgārā sattasatā uḷārā, veḷuriyathambhā rucakatthatā subhā.
৯৪৫.
945.
‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং।
‘‘Tatthacchasi pivasi khādasi ca, dibbā ca vīṇā pavadanti vagguṃ;
দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না॥
Dibbā rasā kāmaguṇettha pañca, nāriyo ca naccanti suvaṇṇachannā.
৯৪৬.
946.
‘‘কেন তেতাদিসো ৰণ্ণো…পে॰… ৰণ্ণো চ তে সব্বদিসা পভাসতী’’তি॥
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
৯৪৮.
948.
সো দেৰপুত্তো অত্তমনো…পে॰… যস্স কম্মস্সিদং ফলং॥
So devaputto attamano…pe… yassa kammassidaṃ phalaṃ.
৯৪৯.
949.
‘‘যং দদাতি ন তং হোতি,
‘‘Yaṃ dadāti na taṃ hoti,
যঞ্চেৰ দজ্জা তঞ্চেৰ সেয্যো।
Yañceva dajjā tañceva seyyo;
সূচি দিন্না সূচিমেৰ সেয্যো॥
Sūci dinnā sūcimeva seyyo.
৯৫০.
950.
‘‘তেন মেতাদিসো ৰণ্ণো…পে॰… ৰণ্ণো চ মে সব্বদিসা পভাসতী’’তি॥
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
পঠমসূচিৰিমানং অট্ঠমং।
Paṭhamasūcivimānaṃ aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ৰিমানৰত্থু-অট্ঠকথা • Vimānavatthu-aṭṭhakathā / ৮. পঠমসূচিৰিমানৰণ্ণনা • 8. Paṭhamasūcivimānavaṇṇanā
