| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. পঠমসোৰচস্সতাসুত্তং
3. Paṭhamasovacassatāsuttaṃ
৩৪. ‘‘ইমং , ভিক্খৰে, রত্তিং অঞ্ঞতরা দেৰতা…পে॰… মং এতদৰোচ – ‘সত্তিমে, ভন্তে, ধম্মা ভিক্খুনো অপরিহানায সংৰত্তন্তি। কতমে সত্ত? সত্থুগারৰতা, ধম্মগারৰতা, সঙ্ঘগারৰতা, সিক্খাগারৰতা, সমাধিগারৰতা, সোৰচস্সতা, কল্যাণমিত্ততা। ইমে খো, ভন্তে, সত্ত ধম্মা ভিক্খুনো অপরিহানায সংৰত্তন্তী’তি। ইদমৰোচ, ভিক্খৰে , সা দেৰতা। ইদং ৰত্ৰা মং অভিৰাদেত্ৰা পদক্খিণং কত্ৰা তত্থেৰন্তরধাযী’’তি।
34. ‘‘Imaṃ , bhikkhave, rattiṃ aññatarā devatā…pe… maṃ etadavoca – ‘sattime, bhante, dhammā bhikkhuno aparihānāya saṃvattanti. Katame satta? Satthugāravatā, dhammagāravatā, saṅghagāravatā, sikkhāgāravatā, samādhigāravatā, sovacassatā, kalyāṇamittatā. Ime kho, bhante, satta dhammā bhikkhuno aparihānāya saṃvattantī’ti. Idamavoca, bhikkhave , sā devatā. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
‘‘সত্থুগরু ধম্মগরু, সঙ্ঘে চ তিব্বগারৰো।
‘‘Satthugaru dhammagaru, saṅghe ca tibbagāravo;
সমাধিগরু আতাপী, সিক্খায তিব্বগারৰো॥
Samādhigaru ātāpī, sikkhāya tibbagāravo.
‘‘কল্যাণমিত্তো সুৰচো, সপ্পতিস্সো সগারৰো।
‘‘Kalyāṇamitto suvaco, sappatisso sagāravo;
অভব্বো পরিহানায, নিব্বানস্সেৰ সন্তিকে’’তি॥ ততিযং।
Abhabbo parihānāya, nibbānasseva santike’’ti. tatiyaṃ;
