| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. པཋམསོཙེཡྻསུཏྟཾ
8. Paṭhamasoceyyasuttaṃ
༡༢༡. ‘‘ཏཱིཎིམཱནི, བྷིཀྑཝེ, སོཙེཡྻཱནི། ཀཏམཱནི ཏཱིཎི? ཀཱཡསོཙེཡྻཾ, ཝཙཱིསོཙེཡྻཾ, མནོསོཙེཡྻཾ། ཀཏམཉྩ, བྷིཀྑཝེ, ཀཱཡསོཙེཡྻཾ? ཨིདྷ, བྷིཀྑཝེ, ཨེཀཙྩོ པཱཎཱཏིཔཱཏཱ པཊིཝིརཏོ ཧོཏི, ཨདིནྣཱདཱནཱ པཊིཝིརཏོ ཧོཏི, ཀཱམེསུམིཙྪཱཙཱརཱ པཊིཝིརཏོ ཧོཏི། ཨིདཾ ཝུཙྩཏི, བྷིཀྑཝེ, ཀཱཡསོཙེཡྻཾ།
121. ‘‘Tīṇimāni, bhikkhave, soceyyāni. Katamāni tīṇi? Kāyasoceyyaṃ, vacīsoceyyaṃ, manosoceyyaṃ. Katamañca, bhikkhave, kāyasoceyyaṃ? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti. Idaṃ vuccati, bhikkhave, kāyasoceyyaṃ.
‘‘ཀཏམཉྩ, བྷིཀྑཝེ, ཝཙཱིསོཙེཡྻཾ? ཨིདྷ, བྷིཀྑཝེ, ཨེཀཙྩོ མུསཱཝཱདཱ པཊིཝིརཏོ ཧོཏི, པིསུཎཱཡ ཝཱཙཱཡ པཊིཝིརཏོ ཧོཏི, ཕརུསཱཡ ཝཱཙཱཡ པཊིཝིརཏོ ཧོཏི, སམྥཔྤལཱཔཱ པཊིཝིརཏོ ཧོཏི། ཨིདཾ ཝུཙྩཏི བྷིཀྑཝེ, ཝཙཱིསོཙེཡྻཾ།
‘‘Katamañca, bhikkhave, vacīsoceyyaṃ? Idha, bhikkhave, ekacco musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Idaṃ vuccati bhikkhave, vacīsoceyyaṃ.
‘‘ཀཏམཉྩ, བྷིཀྑཝེ, མནོསོཙེཡྻཾ? ཨིདྷ, བྷིཀྑཝེ, ཨེཀཙྩོ ཨནབྷིཛ྄ཛྷཱལུ ཧོཏི ཨབྱཱཔནྣཙིཏྟོ སམྨཱདིཊྛིཀོ། ཨིདཾ ཝུཙྩཏི, བྷིཀྑཝེ, མནོསོཙེཡྻཾ། ཨིམཱནི ཁོ, བྷིཀྑཝེ, ཏཱིཎི སོཙེཡྻཱནཱི’’ཏི། ཨཊྛམཾ།
‘‘Katamañca, bhikkhave, manosoceyyaṃ? Idha, bhikkhave, ekacco anabhijjhālu hoti abyāpannacitto sammādiṭṭhiko. Idaṃ vuccati, bhikkhave, manosoceyyaṃ. Imāni kho, bhikkhave, tīṇi soceyyānī’’ti. Aṭṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. པཋམསོཙེཡྻསུཏྟཝཎྞནཱ • 8. Paṭhamasoceyyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨. པཋམསོཙེཡྻསུཏྟཝཎྞནཱ • 8. Paṭhamasoceyyasuttavaṇṇanā
